元朗露天停車場4車遭縱火 16歲仔被捕 車主：買退役九巴想做餐廳路標

元朗僑興路近白沙村一露天停車場，今（10日）早上11時38分，停泊在該處的2部退役九巴及2部私家車突然起火，火勢猛烈，冒出黑黑濃煙，升至半空。消防接報到場，開喉撲救，4車嚴重焚毀，燒剩車架，事件中無人受傷。

消防認為火警有可疑，將案件交由警方跟進，暫列縱火案處理。警方經初步調查，以涉嫌縱火拘捕一名16歲青年，他現正被扣留調查，案件交由元朗警區刑事調查隊第十隊跟進，正調查青年犯案動機。

四車起火焚燒，火光熊熊。fb：是日快快-巴士即日相

消防到場撲救。fb：是日快快-巴士即日相

四車起火焚燒，火光熊熊。fb：是日快快-巴士即日相

消防救熄火警，四車燒剩車架。劉漢權攝

消防射水撲救。劉漢權攝

四車起火焚燒，火勢猛烈。劉漢權攝

消防開喉撲救火勢。劉漢權攝

消防調查後認為起火原因有可疑。劉漢權攝

消防調查後認為起火原因有可疑。劉漢權攝

退休九巴的車主譚先生指每部九巴用約7至8萬投回來。劉漢權攝

車場仍有譚先生買入的退役九巴。劉漢權攝

附近街坊曾先生表示，由於車場放置退役巴士，不時有少年巴士迷到來上巴士「又揸又搖」，「頭先見到有個年約30歲男人喺巴士車門好似執嘢，我去完廁所出嚟15分鐘就見到燒到冚冚聲，唔知係咪故意縱火，都可能係。呢度不時有刑毀、縱火案件發生。」另一名工人梁先生形容火勢猛烈，「好猛火，啲火升到好高，燒到通晒！」

巴士車主譚先生稍後返到車場，他指投得5部退休巴士，每部約7至8萬元。「買咗三年，想用嚟做餐廳路標特色，等人行入嚟就睇到，啱啱有人同我傾想買2部，但佢出價太低，6萬想買晒兩架。」他又透露，約一年多前一批人將巴士揸走兜來兜去，警方拉到6至7個人。被問到巴士被焚感覺，譚竟處之泰然，「冇感覺，原本都準備清走，唔會再買。」

--- 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ