「獎老」阿七吳嘉儀貼三點式澄清冇推job 老公親自操刀影火辣泳照力撐太太

2023-11-07 13:16

「阿七」吳嘉儀在今年8月與與圈外男友「豬仔」Leo結婚，當日一對新人跟足傳統結婚儀式，Leo講感言時承諾有信心會照顧得吳嘉儀好好，新婚生活理應十分愉快！但昨日（6日）吳嘉儀在社交平台貼上多張泳照，圖文不符地說：「唔開心嘅時候睇吓個海，曬吓太陽，個心會舒服啲啲。」她還hashtag地說：「#我沒有請假我只有沒有通告的日子在屋企附近海灘走走」。

【相關閱讀】：阿七吳嘉儀結婚丨讚老公係「找數真漢子」披超深V嫁衣如願將花球拋給莊思明

【點擊睇阿七吳嘉儀訴苦水】：

吳嘉儀去年在《開心無敵獎門人》做獎老，才開始慢慢受到觀眾關注。

在《獎門人》當然要不時扮鬼扮馬。

仲扮過《小魔女DoReMi》。

又扮過《美少女戰士》。

扮Sailor Moon時，更試過用長腿鉗實「路飛」錢嘉樂！

今年32歲的吳嘉儀2015年從香港演藝學院就簽約TVB。

不過多年來吳嘉儀主要都是在劇集飾演配角或閒角，未有太大發揮。

因為吳嘉儀諧音「5+2」，所以暱稱叫「阿七」。

吳嘉儀不時都會在社交網派福利。

仲會性感下廚，小心啲油彈到啊！

不時影相分享近況！

老公一直陪伴在側。

老公的視角。

原來是老公親自操刀影相。

背後有原因。

好友支持。

發文澄清。

喊到眼腫。

吳嘉儀分享拍拖點滴。

吳嘉儀度蜜月揀陽光與海灘。

「阿七」吳嘉儀昨晚（6日）突然在IG限時動態大吐苦水：「冤枉呀！我11月冇請假，冇度蜜月，手頭上工作只有個固定拍攝日子的飲食節目《搶食著數特攻隊》和一個月2至3次《鄰住買直播》。我冇推Jobs，我好鍾意工作，我現時冇大肚，謝謝。希望有疑問嘅人，直接聯絡我經理人或者問我，我真係好鍾意、好認真對待每個工作，謝謝。」接着「阿七」吳嘉儀又一口氣貼上多張泳照，雖然相中笑容滿面，但留言卻相當愁爆，她說：「唔開心嘅時候睇吓個海，曬吓太陽，個心會舒服啲啲。『希望每個在努力嘅人，不要因為旁人嘅三言兩語打擊而忘記初心，繼續努力，肯努力的人總不會一無所有。』謝謝前輩送的話 #throwback #我沒有請假我只有沒有通告的日子在屋企附近海灘走走#靜一靜」。

「阿七」吳嘉儀被誤會結婚唔使做

其後《星島頭條》向「阿七」吳嘉儀了解，原來是因為工作上出現了誤會而影響接job，她以短訊回覆並說：「其實係公司嘅job有客戶點名搵我，點知喺接洽期間，同事因為溝通問題誤會咗我，以為我結婚後要放假、要生仔唔會工作呀，事實上我一直都唔敢請假，怕麻煩到其他同事，頭先一邊洗碗一邊喊，經理人知道之後都開解咗我，而家心情好返啲啲。」她還說：「其實我都發現好奇怪，藝人其實都係一個職業，但好多女藝人一結婚，就有人誤解我哋有人養、唔使做，其實我哋都係人，都需要生活和工作，同埋女仔喺今時今日婚後或者生咗bb都可以有自己嘅專業、社交，況且好多女藝人結咗婚之後更加有魅力，希望大家唔好誤會，以為女藝人結婚後就唔使做。」