中年好聲音2 丨李振鵬一王四后零獨唱被淘汰惹民憤 隊長陳燕娜負評纏身：我唔會爭嚟自殺！
2023-11-03 11:00 
TVB歌唱真人騷《中年好聲音2 》的比賽進行得如火如荼，在周日（5 日）晚播出的一集是第四部曲《廿六強勁歌金曲淘汰賽！》，26強選手將輪流演唱《勁歌金曲》的獲獎金曲，爭取晉級機會中，不過在上月27日（周日）播出的30強團戰上，發生了小插曲，近日有網民在《中年好聲音2 》的FB群組出po，因李振鵬被淘汰而覺得不公平，要求讓李振鵬「復活」！
【相關閱讀】：中年好聲音2 丨李蕙敏久休復出任評審星味依舊 大熱劉可搣甩哭腔竟遭伍仲衡狠批？
【點擊睇網民望李振鵬「復活」】：
李振鵬出戰以來，一直得到評審讚賞，在首輪李振鵬演唱《最愛是誰》而獲得5燈晉級，當時評審張佳添和陳慧嫻人讚不絕口，殊不知在30強團上，李振鵬與陳燕娜、陳麗媚、簡潔明及麥素華四位女將以一王四后組合演繹《路黑山高錫人夜》，結果李振鵬在沒有獨唱的情況下被Foul走，整晚表現似Dancer多過歌手，惹來網民們戥他不值，紛紛在《中年好聲音2 》的FB群組出po狂轟！
隊長陳燕娜成箭靶遭網民圍攻
有網民將矛頭直指擔任隊長的陳燕娜（Alice）和星級導師Eric Kwok，有人說：「公道啲講句，李振鵬係無辜犧牲品，根本冇機會真正畀佢唱！論幾個唱功佢不是最差一個！ 講跳舞佢都ok吖！(註)我並不應識李，只係以自己角度去睇，大家又同意嗎？」、「Eric kwok 身為客席導師居然會出現呢啲問題。佢都有一部分責任， 當然最自私就係呢四位女士。尤其係個隊長佢應該辭職！」、「之前幾隊講到咁嚴謹，各成員都有發揮機會，頭隊仲要搵男聲襯托到個女聲，點解振鵬無平等對待同機會，完全無發揮時段落，淨係要佢伴舞，唔公平」、「李生今次根本是表演跳舞，女士每個都有獨唱，唯獨佢冇，仲要最後冇得留低實在不公平。」
陳燕娜強調只是參賽者並非話事人
身為隊長的陳燕娜亦兩度現身為事件解畫，她說：「Eric Sir係同意振鵬solo chorus + 輕微和音。但最後綵排嘅時候，我哋組畀人話呢個編排唔好，覺得我哋咁樣係無團體feel好似大家各自唱咁，覺得chorus應該一齊唱一齊跳，所以建議我哋改。如果我哋堅持唔改，最後如果foul兩人呢？」眼見網民越講越激烈，陳燕娜再留言：「我從來冇爭過要唱多啲，我根本唔識首歌，入都唔知點入， 唔會爭來自殺。我多咗句英文，係因為有人堅持要有英文部分，但有組員話英文佢哋搞唔掂，所以我同素華先多咗，振鵬亦講咗，除咗chorus佢唱到，其他嘅對佢來講太低/高音，佢唔想勉強唱而影響整體表現。冇錯係我自己揀首歌，係因為PK 賽我好後先入圍，識嘅歌都被人揀晒，你可以話我維護自己咩都好，但我只係覺得因為我係隊長，全世界就覺得一定係隊長安排，但我只想講，我哋都係參賽者，而且唔係話事人，我已經盡咗力解釋，我唔應該講太多。」
李振鵬親自出po稱尊重賽制
最後李振鵬親自出po回應事件：「大家好，我係李振鵬，首先好多謝大家對我嘅支持，我覺得要參加一個比賽，我哋一定要尊重賽果及主辦單位和大會嘅決定，呢個先係一個參賽者應有嘅態度。再一次多謝大家對我嘅關心同愛護，實在萬分感激。」當日比賽後，李振鵬在訪問上坦言有被淘汰的準備，他說：「始終呢首係女仔歌，係我自己揀，始終揀咗係冇得返轉頭，唱嘅部份係比較少，因為個key唔啱，我喺中間嗰段係唱高咗8度，其他根本係唱唔到，唯有將個故事氣氛搞得火啲，我覺得自己好盡力做呢個post，扭到我腳都痛埋，膝頭哥又瘀晒，行路都唔知點行，但係覺得好值得，我冇後悔，今年唔得咪下年再嚟。」
【其他文章】：
中年好聲音2 丨周國豐參加《新秀》陳年片翻hit！樣貌激似敖嘉年 與前TVB小生同台合唱
中年好聲音2 丨安雅希原來係冠軍級人馬！陳年唱歌相激罕曝光與鄭欣宜撞樣
中年好聲音2丨陳蒨葶慶38歲生日晒家庭照！省鏡妹妹曝光同樣愛跳唱 仲拍過廣告
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應