麥明詩認愛盛勁為！冧爆稱男友為BB 公開披露戀情細節直認有共識結婚
2023-10-30 22:48 
早前被指疑似與緋聞男友盛勁為遊沖繩的麥明詩，今日（30日）與林德信（Alex）身穿瑜伽服出席活動，並即場玩瑜伽。麥明詩在受訪時提到沖繩之旅，以「緋聞男友」稱呼盛勁為，麥明詩指是因為記者這樣呼對方，所以自己又叫埋一份。
【相關閱讀】：麥明詩純情造型拍MV與馮允謙攬完再餵食勁親䁥 盛敬為轉發花絮片留言惹揣測
【點擊睇麥明詩穿瑜伽服出席活動】：
麥明詩盛勁為疫情期間撻着
問到麥明詩平常怎樣稱呼男友，麥明詩就突然怕羞地甜笑，表示「BB」，但隨即又話講笑，更反問是否能刪掉「BB」，問到何時開始叫對方做BB時，麥明詩表示與男友從未入行已相識，後來因疫惰時在機緣巧合下與對方變得熟絡：「我哋都走過咗疫情，但你話幾時好難界定，（兩年？）我唔識計，條數好難計，我個人比較循序漸進，所以好難好清晰咁去界定。（幾時第一次拖手？）我哋啲次序唔係咁行，大概疫情嗰段時間咁上下，因為佢留喺香港時間比較多，但詳情你要問番佢（盛勁為），因為我怕我喺一廂情願，怕原來佢唔係咁諗。」
麥明時指現階段過得很開心，因過去兩三年自己也少在公開場合露面，所以有更多空間去建立感情基礎，也可以更清楚地看兩人日後如何發展，問到幾時結婚？麥明詩又再怕羞地說：「我年紀唔細，所以都會諗呢啲問題，都會傾。（求婚未？）呢個唔係重點，重點係大家有共識朝着呢個方向，但未有實際時間。」同時麥明詩更指男友有四兄弟姊妹，考慮多生幾個BB讓小孩有伴，更稱想找從事教育的媽媽幫手湊仔。
【點擊睇麥明詩盛敬為早前蜜遊沖繩】：
男友與家人是社交網朋友
至於男友是否已見過家長，麥明詩沒有正面回答，只表示男友與家人是社交網站中的朋友，問到家人對男友的印象，她說：「媽媽最希望我開心，其他都唔介意，同埋都希望我未來嘅另一半孝順，大家家庭相處融洽。」
對於麥明時早前與馮允謙拍MV時表現親密，問到男友有沒有呷醋，她笑言要問對方，但自己沒有問，並指自己現時工作上自由度大，亦是其中很珍惜的一件事：「雖然我依家主要做我自己專業上嘅事，但幕前上間唔中都可能有活動，等我可以享受拍攝嘅喜樂，我覺得兩人相處唔一定要改變對方，係尊重對方，俾佢做最真實嘅自己，我覺得而家呢一刻好有自由度。」麥明詩表示不覺得需要為結婚定時限。
【點擊睇麥明詩更多靚相】：
林德信爆爸爸林子祥學瑜伽
身為瑜伽導師的林德信（Alex）指疫情過後，自己任教的瑜伽班學生人數增加，問到是否全部都是女學生，他笑指男女都有，並指剛才在現場看到很多靚人自己教也教得開心。Alex又笑言找他學的並非只有女生，當中也有大隻佬，最初學的時候還不時叫救命。雖然Alex現時只38歲，但他指已很多高難動作也做不到，又透露因祖母是瑜伽教練，所以爸爸林子祥也有學做瑜伽，小時候也看過爸爸做倒立及其他高難度動作，之後Alex更爆繼母葉蒨文也曾跟他上堂：「不過佢做咗一半就走，可能太辛苦。」
Alex又指學瑜伽除了因祖母外，另一原因是當年在三藩市讀大學時第一次認真拍拖，後來失戀很傷心，媽媽得知後帶他參加新年倒數瑜伽班：「上完堂倒數一刻， 覺得好開心好有滿足感，之後就每日都做瑜伽。」問到女友是否有一起做瑜伽？他則表示間中都有。
【其他文章】：
31歲麥明詩殺入教育界任執董年袋136萬 緋聞男友盛勁為秒Like甜蜜打氣
麥明詩盛勁為玩快閃蜜遊沖繩 「520」車牌威到盡戀情逐漸浮面
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應