星級品味｜靠收藏天價Hermès手袋致富？樊亦敏揭成小富婆之道：要分散投資

2023-10-28 11:00

「隱形富婆」成為了樊亦敏近年的稱號。現年52歲的她，不時被傳媒指「戴成層樓出街」，樊亦敏曾戴炒價達500萬的勞力士「彩虹地通拿」（Daytona Rainbow）出席公開活動，又曾攜炒高達60萬的桃紅色鱷魚皮Hermès Birkin現身，因而得名。但樊亦敏接受《星島頭條》訪問時笑指：「我買嘢好佛系，唔會玩咩配額（配貨），個袋炒到好貴，我寧願唔買唔用。」

其實樊亦敏說的有跡可尋。翻看她出道多年的照片，先後見過樊亦敏的各式各樣「行頭」，可以看到樊亦敏的著用品牌有平有貴，當中包括Longchamp、Prada等等。

「我唔主張為咗炫耀自己嘅身份，去用或者去做任何一樣嘢，我會覺得，唔係你用咗一個袋，或者用咗一隻乜嘢錶，就代表到你有幾有錢，或者你係乜嘢（人）。」樊亦敏經常在出動私伙袋拍攝《愛·回家》，如Hermès Birkin、Kelly等私人珍藏都曾經在劇中出現。不過劇中「三太」的高調富貴，與樊亦敏本人不盡相同。

樊亦敏靚手袋逐個睇：

樊亦敏成小富婆之路：

樊亦敏1991年參選香港小姐，曾奪「最上鏡小姐」。

樊亦敏曾是港姐三甲大熱。

52歲樊亦敏被封圈中隱形富婆。

樊亦敏於《愛．回家之開心速遞》飾演的「三太」。

樊亦敏嗲聲嗲氣說對白更令觀眾印象深刻。

劇中造型經常好浮誇。

曾穿貼身旗袍出鏡。

樊亦敏被傳身家豐厚。

樊亦敏被傳多年來作多方面投資，股票、車及古董都有涉獵。

樊亦敏因「三太」一角富婆形象深入民心。

劇中都出動不少私伙名牌袋。

而觀察「三太」過往的照片，可見她似乎鍾情於升值潛力強的Hermès手袋。

有不少珍藏靚袋。

其他牌子靚袋亦有收藏。

配合不少打扮用不少靚袋。

樊奕敏（左一）20年前的樣貌，跟現時分別不大。

因陳百強鍾情Versace

「我自己本身覺得用名牌手袋唔係為咗炫耀，最緊要自己睇下咩場合用，睇下啱唔啱用。我都冇話特別鍾意咩牌子，我買嘢好佛系，即係有就買，冇就唔買，見啱就買，我又唔會特登配額去買。」

樊亦敏自言沒有特別鍾情哪個品牌手袋，惟獨是陳百強鍾愛的品牌Versace便曾經令她「入坑」。「我好記得那時我好鍾意陳百強，佢好鍾意紫色，所以因為咁，我都好鍾意紫色，那時我就係要搵一個紫色嘅手袋，嗰段時間我買親所有袋都係紫色，亦都因為佢鍾意一個品牌（Versace），所以我都鍾意咗，因為佢啲手工亦都好靚，當時我都已經很瘋狂，但都喺我可以應付到嘅範圍。」

樊亦敏笑言自己「資歷深」，基本上大小品牌的手袋都曾經擁有，而她會購買的名牌手袋，大部份都是因為欣賞其手工，「當然仲有佢嘅質量，即係會欣賞佢背後嘅故仔，我覺得（名牌手袋）係好似一件藝術品，係一件靚嘅嘢。」

不過樊亦敏坦言她購買手袋從來不是為投資，「我就唔會去為咗買一隻袋去做配額，總之你買完呢個袋，就要買埋其他嘢嗰種，我就情願揀唔買，你話個袋炒到好貴，我情願唔買唔用。」她續說：「我覺得要量力而為，同埋自己嘅資源分配要分喺唔同地方。」

定期審視財政狀況設定投資目標

的確如此，樊亦敏除了是圈中出名擁有Hermès的女星外，亦一直是傳聞中因投資眼光獨到而「致富」的女藝人。

提到投資，樊亦敏坦言無法分享「買咩最穩陣」，但她認為投資最重要是要自己做study，「你真係要知道嗰樣嘢係乜，要自己睇多啲市場上嘅嘢，參考多啲，同埋選擇一啲隱陣啲嘅嘢。」她指自己不時會審視財政狀況，建立個人理財能力，「有啲嘢唔應該keep嘅就要放咗佢，同埋你自己心裡面有個目標，例如買呢樣嘢或者股票咩都好，到某個百分比，我大約賺到咁上下，我預咗咁多我就要放。」她認為女性有必要花錢投資自己人生，「要增值吓自己，因為唔同階段有唔同做法」。

另外，樊亦敏認為投資選擇重點在於不要道聽途說，「唔好淨係聽人哋講啲唔實在嘅嘢，你要去投資一樣新嘅嘢，一定要做study，考量下呢間公司嘅背景，甚至乎係佢嘅業績。同埋都係嗰句，你係要冇咗嗰筆錢都冇問題（先好投資）。」