鍾達茵講「掛住你」不滿被吳浩康老婆公審搵雷有輝拍片寸爆郭思琳

2023-10-15 23:00

現年40歲的吳浩康去年3月與郭思琳奉子成婚，不過日前郭思琳突然變「數臭老公界KOL」，早前因影全家福問題而公審老公，引來婚變傳聞。日前吳浩康與與女歌手鍾達茵（Pam）在FB直播唱歌，當時吳浩康說要去廁所，鍾達茵笑說：「我會掛住你，擔心你...」結果引起郭思琳又再出post公審，今日鍾達茵借好友雷有輝過橋狂寸郭思琳。

【點擊睇鍾達茵狂寸郭思琳】：

去年9月郭思琳為吳浩康誕下兒子。

經常大晒一家三口的合照。

郭思琳在中秋當日出PO鬧老公！

事隔多日，郭思琳又再出PO解釋。

原來全因兒子一時錯手。

吳浩康早前與女歌手鍾達茵在FB直播唱歌。

想不到又被老婆公審！

聽到女方一句「掛住你」，郭思琳即爆SEED。

文字都感受到郭思琳的不滿。

鍾達茵未有理會郭思琳，繼續在IG分享跟吳浩康在餐廳的合照。

鍾達茵今日貼出與雷有輝的短片，狂寸郭思琳。

鍾達茵亦分享多段朋友的IG Story，全部上面都有「掛住你」。

還順道留言：「點解要公然咁同人哋女朋友講埋啲咁嘅嘢？」明示自己亦已經名花有主。

早前吳浩康與鍾達茵直播唱歌，郭思琳突然將一段老公直播片段放上自己的IG限時動態，片中見吳浩康先說：「呢個moment我要暫時離開大家三、四分鐘，我要屙個Wee Wee先。」說擺便離開鏡頭，這時候鍾達茵笑說：「你真係要慢慢去，因為我會掛住你，擔心你……」結果就因為「掛住你」這一句，令郭思琳爆seed留言：「作為一個人妻，有人同我老公講埋啲咁嘅嘢，仲要開完Live凌晨孤男寡女去間無人嘅餐廳敘舊，不如大家估吓我會有啲咩感受吖？」

搵雷有輝重演事發對白

昨日鍾達茵終於反擊郭思琳，鍾達茵找來好友雷有輝拍片，還在片中直說：「Pat哥我好掛住你喎！」雷有輝則回應說：「不過我而家要去湊女先……」鍾達茵則說：「你咁樣我會好擔心你喎！」雷有輝回道：「唔使擔心！」對白與早前與吳浩康直播相似，鍾達茵更寫道：「我咁樣同Pat哥講掛住佢同擔心佢，唔知Pat哥老婆會唔會公審我呢？」寸爆郭思琳。鍾達茵亦轉發不少朋友tag她說「掛住你」的IG Story，還順道留言：「點解要公然咁同人哋女朋友講埋啲咁嘅嘢？」明示自己亦已經名花有主。