獨家丨露雲娜甜爆同哥哥的鹹蛋之情 翻唱張國榮歌一講即喊

最近露雲娜(Rowena)推出新一季《FROM MY HEART》專輯，當中收錄9首翻唱歌，其中對張國榮(哥哥)的《春夏秋冬》特別深刻。提到關係如密友的哥哥，Rowena不禁悲從中來流淚，喊住說：「平時我都會為佢祈禱，因為我想像到佢離開嗰刻好辛苦，真係頂唔順先咁做…」採訪：方騫平 髮型：Chris Cheng@AVEDA IL COLPO Platinum 化妝：Gabby Lam 場地：咪走雞葡國餐廳

Rowena新專輯，除翻唱歌仲有經典作品《傳說》。

提到昔日密友哥哥時，Rowena不禁悲從中來。

露雲娜好懷念哥哥。

露雲娜推出新一季《FROM MY HEART》專輯，當中收錄9首翻唱歌。

當日同哥哥一齊拍《EYT》外景。

60歲的露雲娜形容自己好幸運，由童星開始間歇地唱咗55年歌，能夠唱到今時今日絕對係意料之外，人生有老公Perry及兒子Brian (前夫所生)陪伴，還有情人知己賈思樂(Louie)，唯一最可惜係密友張國榮較早離世。

賈思樂與露雲娜當年為TVB官方刊物影封面。

2009年出席《賈思樂弦續友情30載音樂會》，由Louie帶她復出樂壇。

Rowena有老公Perry、兒子Brian及家人，此生無憾。

10年前露雲娜在賈思樂慈善演唱會尾聲，露雲娜與Perry 在台上完婚。

露雲娜與丈夫、歐信希，成為風行唱片老闆Mini家中常客。

露雲娜和歐信希都屬風行唱片鍾慧慧(MiMi)旗下藝人。

露雲娜同老公Perry冇秘密。

兩公婆好Sweet。

當日Perry陪埋老婆做訪問，兩公婆有影皆雙。

哥哥常借出膊頭
Rowena對哥哥無限思念，她感慨說：「我哋好Close，1977年我14歲時喺頒獎禮上同哥哥結緣，當時一齊角逐新人獎，我係銀獎得主，力壓銅獎哥哥。之後一齊拍電影《檸檬可樂》及《衝擊21》，因為大家都鬼鬼哋所以friend咗，成日攬頭攬頸去shopping。嗰時我同周秀蘭、陳佩茜都係哥哥雀友，成日去哥哥美孚住所打廣東牌，當年打1、2蚊。」由於少女Rowena常有感情困擾搞到成日喊，見慣她醜態嘅哥哥會借出膊頭，但又睇唔過眼鬧醒她：「飛咗佢啦！(有冇俾哥哥打動？)冇，我哋冇嗰種感覺，可能佢太靚仔過唔到電，不過，我哋互相愛錫對方，佢真係一個好人，尤其認定你係朋友時會無限付出。」Rowena仲大爆哥哥最愛食鹹蛋，成日𥄫住佢開工飯盒隻鹹蛋，每次都割愛讓畀哥哥食。

Rowena當年同哥哥friend到攬頭攬頸。

露雲娜和張國榮、賈思樂拍電影《衝擊21》。

除咗哥哥，Rowena也欣賞兒子偶像陳奕迅，大讚Eason唱歌好聽，所以揀唱《喜歡一個人》；同時又大讚曾跟她合唱《荳芽夢》的詹天文( Windy)好聽話、好乖、懂得照顧人，過時過節會有問候訊息。

少女時嘅Rowena青春迷人，人見人愛。

露雲娜形容自己好幸運，由童星開始間歇地唱咗55年歌。

TVB後起之秀中，Rowena大讚Windy(右1)好乖女。

中秋節 Windy會送上月餅及附加問候語。

賈思樂及陳奕迅都係Rowena欣賞的男人。