星島申訴王｜港式茶餐廳「奇觀」記  曱甴腳檸茶＋螺絲釘炒飯

網上經常有網民分享在茶餐廳的不快經驗，亦有網民分享自己在茶餐廳的「中伏回憶」。《星島申訴王》就到茶餐廳林立的旺角區進行街訪，讓港人分享在茶餐廳的「奇觀」。

眾多受訪者中，大部分都表示最怕「加料菜」。李生指，曾經在茶餐廳吃炒飯吃到螺絲，「好彩我習慣翻翻飯粒，發現有粒螺絲（在炒飯裡），如果我吃了的話，今日我棚牙齒就不行了！」

而受訪者Roland則表示同樣在茶餐廳吃過加料菜：「係個炒公仔麵，食食吓有啲紙巾，係濕嘅紙巾！」Roland形容當時他立刻嘔吐，「第二朝我食物中毒再嘔！」

【點擊睇港人茶餐廳中伏經歷】：

《星島申訴王》就來到街頭了解下大家中伏的經歷。

李生表示食食下炒飯驚見螺絲。

Sunny 稱曾食飯其間天花板出現老鼠。服務員回應：「見慣啦！」。

郭生表示曾食炒公仔麵時食到濕紙巾。

Roland 認為絲襪奶茶是香港標誌。

小龍表示曾購買外賣時，打開湯盒發現一隻活曱甴在湯上面游泳。

Siri 認為茶餐廳侍應非常無禮貌。

石生石太都喜歡茶餐廳，覺得侍應非常熱情，每一個都笑口噬噬，非常開心。

Ming 表示曾在檸檬茶入面見過有曱甴，但還會幫襯的原因是有人情味和覺得是香港回憶。

林小姐喜歡茶餐廳的原因是那裏都找到，而且非常方便。

老鼠天花板亂竄

除了「加料菜」之外，亦不少人對茶餐廳的衛生程度表示不太滿意。Carrie坦言感覺部份茶餐廳「好污糟」:「好多烏蠅，食完個啲碗，佢哋就咁揼喺個筒入面，都唔知佢哋點處理。」

Sunny則指曾經目擊有老鼠在茶餐廳天花板亂跑，「我同個服務員講，不過佢話唔緊要，見慣㗎啦！我即刻走 ，埋單唔食！」郭生則指：「佢哋（侍應）啲手唔係好乾淨，跟住就會插咗落去啲飲品或者啲嘢食度」

港人愛茶記「接地氣」

雖然港人對茶餐廳多少也有些「中伏回憶」，但茶餐廳依然開得成行成市，一些區內老字號茶記，更是港人打卡熱點，當中總有些令它難以取代的原因。

Ming亦曾在茶餐廳中伏飲「曱甴腳檸茶」，但他認為港式茶餐廳富人情味，蘊藏著香港人的回憶，「我覺得算係個別情況，我相信大部份嘅茶餐廳。喺香港都非常乾淨及衛生。」

而一同受訪的區小姐及劉生則認為茶餐廳已成為港式文化之一：「快！平民化啲！大家粗聲粗氣，接地啲嘛！」

Jonathan同樣認為茶記富人情味，但對於外界對茶記的批評，他則有不同的看法：「有時唔係對住本地人，就可能會態度無對自己人咁好，有時啲態度就會敷衍啲。」他認為港人說話語氣，本地人較易接受。

 

_____________________________________________________

《星島申訴王》為民請命抱不平、追蹤城中熱話，亦會搜羅坊間溫情小故事。你申訴，我跟進，WhatsApp搵91999933，《星島申訴王》隨時候命！

立即報料：https://bit.ly/3IMunqd

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ