擠福田口岸搶閘回港返工返學 墟冚如馬拉松開跑 網民佩服：極速過關仲上埋車｜Juicy叮
2023-09-29 11:32 
過關，除了吃喝玩樂，對很多人來說更是柴米油鹽，與日常生活密不可分。網上近日流傳數段深圳福田口岸大清早6時30分，市民排隊等候過關的短片，市民趕著回港上班上學搶閘衝關一刻，緊張情況好比馬拉松開跑。
晨早心急過關回港返工返學逐格睇↓↓↓↓＋ 網民有感而發回應↓↓↓↓
有人心急偷步
不同的短片不約而同拍攝到心急返港的市民，在聯檢大樓「出境」大門前的排隊情況，到接近6時30分，部分頭排市民便如跑手般做好準備姿勢，待夠鐘一刻即跑出搶閘過關。邁開腳步疾跑的除了大漢外，還有穿校服拖著書包的學生和穿裙子的女士。其中一條短片還見到有人心急偷步，保安員於是提醒「等一會」和「往後點」，各人於是再次就位。
晨早心急過關回港返工返學逐格睇↓↓↓↓＋ 網民有感而發回應↓↓↓↓
網民：咁早有人返HK？
回應的網民對晨早搶閘過關情況有點摸不著頭腦，問「咁早有人返HK？」、「點解要跑？」，「我以為看到馬拉松」、「唔知以為長跑起步開跑」、「馬拉松開跑一樣」、「我以為係書展」，笑指是「福田盃」、「福田口岸運動會」、「以為跑渣打」、「渣打馬拉松改咗福田口岸攪？」，甚至有人覺得像玩「123紅綠燈」。
熟識行情的人於是解畫：「佢哋係返香港㗎！」、「返工返學的力量」、「趕返工」、「人哋趕返工」、「好多住深圳趕返香港返工、返學」，至於心急搶閘的理由，大都因為↓↓↓↓
•「頭班車8分鐘後落馬洲地鐵開車」
•「福田口岸6:30開關，6:38分（落馬洲站）頭班火車。唔係就要等6:50，所以啲人就要趕住衝關」
•「因為6:30開關，落馬洲頭車38分開，即係話只有8分鐘時間過晒兩關上埋車，打工人士時間就是金錢」
•「爬文見到因要趕頭班車，8分鐘要過曬2個關～好明顯早上6:30返學返工！好多學生著住校服！」
•「係，見怪不怪，因為只有8分鐘比你過晒兩關上頭車去上水」
•「趕頭車返工，一遲咗人多等一等可以差距成20分鐘。未有福田口岸時，羅湖衝關仲墟冚」
不過有人卻潑冷水，認為「點跑都坐唔倒頭班車，8分鐘有冇可能衝到3樓，過2關 + 長橋 + 再搭上搭落東鐵個度啊」。
晨早心急過關回港返工返學逐格睇↓↓↓↓＋ 網民有感而發回應↓↓↓↓
網民：好多人搬返上大陸住
另有網民透過香港的土地問題解釋有關現象↓↓↓↓
•「而家好多人搬返上大陸住，所以朝頭早返工係好多人」
•「你喺元朗新田呢啲地方用$5000租間把Ｘ屋，不如過埋關，$5000起碼係一家幾口都住得好開心嘅單位 」
•「如果在香港住一個劏房要五六千，返到深圳住兩三千有房有廳，所以辛苦啲，環境好啲食住都好啲，你哋啲人喺度笑人做乜嘢呢」
•「無辦法，香港劏房價錢係深圳可以租有房有廳的屋！」
晨早心急過關回港返工返學逐格睇↓↓↓↓＋ 網民有感而發回應↓↓↓↓
了解有關情況後，有網民慨嘆「其實幾可悲，尤其返學及小朋友」、「有好多學生」、「搵食艱難」，於是鼓勵「完全明白打工仔的辛酸，加油！！」、「為生活和未來奔跑的人，加油！」、「為生活為夢想奔跑吧」、「我替他們辛苦。但生活就是這樣，各有難處，大家努力」。
內地景點相關新聞：
深圳深業上城1秒走入歐陸小鎮 網民刁鑽角度拍出教科書式作品【附前去方法】
位於深圳地鐵10號線冬瓜岭站的深業上城，戶內有大型商場、戶外有歐陸小鎮，左右兩旁各以空中走廊連接畢架山公園與蓮花山公園。當中的小鎮成為北上港人打卡熱點，有網民更以獨到角度配合陽光，拍攝出教科書式作品，將小鎮的色彩空間發揮得淋漓盡致。
網民深業上城小鎮教科書式美拍逐張睇↓↓↓↓
最新回應