馬浚偉忘記今日入行30周年郭珮文開心網民用高海寧比較

2023-09-27 22:50

馬浚偉（馬仔）今晚（27日）入場欣賞「中國內地電影展2023開幕典禮暨開幕電影《臍帶》」，馬浚偉透露現正修讀神學及教育碩士課程，又要兼顧公職工作，就連今日是他入行30周年也忘記，收到朋友恭喜訊息先記得，但不會去特別慶祝，反而回家後做功課，他笑謂中秋節已準備月餅跟愛犬度過。馬浚偉說：「我連10月生日都要開工，節日通常都開工，除咗農曆年就一定會放假，起碼初八、初十先開工。」

【相關閱讀】：曾志偉手術後被子女管作息被催睡覺「最強Body」郭珮文認TVB有面試

【點擊睇馬浚偉郭珮文相】：

（左起）毛志琛、黃泳嘉、陳曉彤、郭珮文、梁晶晶、陳霈錤

（左起）陳霈錤、黃泳嘉、郭珮文今晚一齊出席活動。

（左起）陳霈錤、黃泳嘉、郭珮文是應屆落選港姐。

陳霈錤、黃泳嘉、郭珮文受訪時，都流露出對演藝圈的興趣。

陳霈錤表示坋現在沒有工作，有計劃進修英文。

陳霈錤透露曾與監製見面，但未跟無綫傾談合約。

黃泳嘉對拍劇有興趣。

黃泳嘉表示要改善廣東話口音。

郭珮文對網民將自己跟高海寧比較，感到開心。

郭珮文對入行有興趣，亦有點心急。

毛志琛

梁晶晶

馬浚偉今日入行30周年。

馬浚偉10月生日都要在工作中度過。

馬浚偉將在12月放假到馬來西亞，相約著名羽毛球員李宗偉打波。

孔德賢一頭金髮到場。

孔德賢打扮有型現身。

熱愛打羽毛球的馬浚偉，表示將會在12月放假到馬來西亞，並相約當地國家隊運動員及著名羽毛球員李宗偉一齊打波。馬浚偉說：「我有三枝球都係佢送畀我，係我嘅生日禮物嚟。」問到打算在李宗偉手上贏到幾多分？馬浚偉笑言起碼有1分，跟這些高手打，想他攞幾多分就有幾多分。問到是否想做羽毛球運動員？馬浚偉說：「超齡啦！係業餘水平，喺演藝界嚟講唔擔心。」

黃泳嘉學好廣東話改口音

應屆落選港姐郭珮文、黃泳嘉及陳霈錤等今晚亦有現身，陳霈錤透露曾與監製見面，但未跟無綫傾談合約，現時工作主要出席活動。談到可有興趣入行？陳霈錤說：「睇合約係點先再考慮，但我都有興趣入行。」陳霈錤本身從事教師工作，她表示現在沒有做，亦有計劃進修英文。黃泳嘉笑言對拍劇有興趣，但首先要學好廣東話改善口音。而郭珮文坦言對入行有興趣，不過未知無綫的安排，亦有點心急。郭珮文說：「依家選完結束咗一個月，好似都未開始傾。（有冇其他公司向你招手？）未有。」

郭珮文無搵超模舅母教路

對於社交網點擊率很高，郭珮文大受網民歡迎，她笑言很開心，參選後仍然獲得很多人關注。談到有網民將她跟高海寧作比較，郭珮文笑謂：「唔知喎！咁開心同女神比較！（可想似高海寧在圈中一樣發展好？）如果有咁嘅機會，當然希望啦！」提到舅母張金瀟是內地超模，可有給予入行貼士？郭珮文說：「其實都無，平時喺屋企嘅氛圍唔會好似嚟教我。」