Coffee林芊妤34歲生日老公囝囝送環保蛋糕紙製手槍 發長文怨感到麻木要改變
2023-09-23 14:38 
Coffee林芊妤早前經常外遊，去完東京又去布吉之後，又與37歲澳洲籍的馬來西亞華人丈夫翟志榮，帶同囝囝翟德彥（伯伯）一同到澳洲探老爺奶奶，更在當地與粉絲見面一同做瑜伽。早前他們已返港，林芊妤近日更迎來34歲生日，獲不少好友送贈鮮花及蛋糕慶祝，誰知家中兩父子卻毫無表示，令她大為傷心。
【相關閱讀】：張致恒派安全套賺奶粉錢獲圈中人鼓勵 Coffee林芊妤：做好榜樣給小朋友看
【點擊睇Coffee林芊妤生日收大驚喜】：
林芊妤氣得以「大膽」為題，記錄自己生日，她透露囝囝伯伯竟指：「哎呀我唔記得左（咗）」，老公則冷淡指：「有人送左（咗）蛋糕俾你啦？」林芊妤即發長文抱怨：「算啦我都係注定俾佢地蝦，又或者佢地知道我根本就唔care，知道我有佢地（哋）身邊就夠，一定係，我被睇穿了……不過彥彥之後忙左（咗）成晚，原來佢臨急抱佛腳整咗份禮物俾我😬」雖然獲贈伯伯親手製的「I love you槍」似乎不大滿意，林芊妤仍表示：「喂多謝晒喎，不過點都好過大嗰個👨🏻⋯我既（嘅）人生#個蛋糕重複使用咗三次😂#好環保呀正#多謝gemmamiyo賜我蛋糕」！
結局神反轉大螢幕見祝福片
本來很失望的林芊妤之後上載12點同老公迎接生日的短片，一家三口去食串燒慶祝，又稱：「同老公寧靜地過12點」，似乎扭完兩父子耳仔後已消氣。不過，原來在正日生日當日，她在銅鑼灣按摩完步出店外即看見商場大螢幕播出的驚喜，原來好友與囝囝伯伯拍了一段祝她生日快樂的片段送給她，令林芊妤在街上失控狂笑，尤其見到伯伯時更笑到見牙唔見眼，又獲好友在街頭舉牌「示愛」。
林芊妤收到這大驚喜，完全逆轉了之前的失望，並寫道：「點解會咁嘅？唔怪之得約我生日正日下午去銅鑼灣按摩啦，唔怪之得係咁叫我唔好按頭啦（雖然都按咗...好油呀），唔怪之得無啦啦話要我陪佢哋去飲綠茶啦，唔怪之得Sandy要去車度拎啲嘢先啦，唔怪之得Kwan Kwan之前捉我個仔落街拍嘢啦。呢件事要由合作夥伴+同事+朋友+家人先搞得掂，所以我成日同我老公講『而家好多人好錫我所以我放過你你休息吓』、『如果遲啲冇人錫我你就要做多啲嘢架（㗎）啦ok?』。痴（黐）線架（㗎）😭，係咪我前世做咗啲咩好事，我實在太受寵若驚啦！多謝Miyo姐今日又送多個生日蛋糕，多謝Sandy姐特登走去訂咗個牌，仲要喺條咁多人既（嘅）街度咁樣拎出嚟，多謝所有有參與呢件事嘅人呀so sweet！講真...係有少少少少感動到我既（嘅），Love you all！」
重新注滿能量的林芊妤更稱要有所改變，因她數個月前開始發現自己對甚麼事都感到麻木，無論做甚麼事都感覺不到興奮和喜悅，現決定要改正過來，嘗試在工作和家庭外留一些空間給自己，要照顧住在自己內心的小女孩，更為自己打氣稱：「我值得被愛」！
【其他文章】：
Coffee林芊妤返澳探親遇騙案？ 成百萬YouTuber紅到海外都有人識
Coffee林芊妤撇低老公遊布吉晒比堅尼 玩浮潛白滑美腿竟然走晒樣？
林芊妤老公由銀行家變「食軟飯」Coffee懶理閒言：可以賺錢買花戴！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應