中年好聲音2｜41歲戚黛黛遭狠批欠味道鄧兆榮憶亡母爆喊認未盡孝道

2023-09-23 11:30

TVB歌唱真人騷《中年好聲音2》明晚（24日）播出第三集，眾參賽者繼續盲選爭奪60強席位，當中不乏熟悉的面孔，包括鄧兆尊胞弟鄧兆榮、2003年港姐季軍戚黛黛、90年代歌手鄭梓浩、姚安娜等。

【相關閱讀】：中年好聲音2｜向展鵬花式炫富花六位數買衫減壓戴過百萬富豪級腕錶首飾出戰

【點擊睇《中年好聲音2》第三集精華】：

鄭梓浩於90年代初代以歌手身份出道，曾推出數張個人及精選大碟，後來移居新西蘭經營美容及髮廊生意。

現年55歲的鄭梓浩仍舊靚仔和身形Fit爆。

鄭梓浩當晚選唱一曲《歲月流情》，結果獲得評審張佳添好評。

鄭梓浩以「被遺忘嘅歌手」形容自己，

鄭梓浩獲觀眾舉燈牌支持。

2003年港姐季軍戚黛黛亦於今集登場。

戚黛黛選唱一曲《別問我是誰》。

41歲戚黛黛報稱是一名家庭主婦。

戚黛黛的演出被周國豐評為：「冇乜味道，唱唔出對愛有渴求嘅感覺。」

張佳添亦彈戚黛黛唱功：「如果係一個香港小姐才藝表演，係OK嘅。」

48歲姚安娜今次她以「吉卜賽女郎」造型亮相。

姚安娜（左）面部的特色化妝非常搶鏡。

鄧兆尊的胞弟鄧兆榮今次選唱《愛的根源》。

52歲鄧兆榮是新馬師曾和「祥嫂」洪金梅兒子。

席間鄧兆憶起亡母，指人生遺憾是未盡孝道。

鄧兆榮坦言2013年間，幾兄弟姊妹與媽媽因誤會斷絕聯絡，直到2019年他才鼓起勇氣致電母親致歉，並獲得度對方原諒。

豈料一個半月後收到噩耗，醫院致電鄧兆榮告知其母在急症室接受治療，數月後「祥嫂」洪金梅便離世。

鄧兆榮爆喊向亡父亡母表白：「想同父母講，我喺你哋在生時，可能做得冇咁好…但而家我會做個好爸爸、好弟弟…」

鄧兆榮望以自身經歷提醒大家不要愛得太遲。

現年52歲的鄧兆榮今次選唱《愛的根源》，席間談到人生遺憾，身為新馬師曾和「祥嫂」洪金梅兒子的他說：「2013年時我哋幾兄弟姊妹同媽媽有啲誤會冇聯絡，去到2019年我鼓起勇氣，喺母親節打畀媽媽同佢道歉，媽媽好大方話原諒我，但佢話有啲唔舒服，遲啲再搵我。」豈料一個半月後便收到噩耗，醫院致電鄧兆榮告知其母在急症室接受治療，他續說：「當時先知道媽媽患咗癌症第四期，之後一家四兄弟姊妹同媽媽團圓番，鼓勵佢對抗病魔，但好不幸媽媽喺個幾月後就仙逝，我一生人嘅遺憾係未盡孝道。」

語畢鄧兆榮爆喊向亡父亡母表白：「想同父母講，我喺你哋在生時，可能做得冇咁好…但而家我會做個好爸爸、好弟弟…」並希望以自身經歷提醒大家不要愛得太遲，他說：「希望各位觀眾，如果同父母、兄弟有咩誤會，只要自己行出誠意第一步，一家人係冇隔夜仇，唔好好似我咁後悔莫及！」當日鄧兆榮兩名兒子也有到場打氣，非常溫馨。

90年代被遺忘歌手

此外，55歲鄭梓浩於90年代初代以歌手身份出道，曾推出數張個人及精選大碟，後來移居新西蘭經營美容及髮廊生意。雖然年過半百，但他仍舊靚仔和身形Fit爆，當晚亦獲觀眾舉燈牌支持。在自我介紹時，報稱是營養品直銷商的鄭梓浩說：「我喺四大天王最紅時出道，係一個被遺忘咗嘅歌手。」話雖如此，但當晚唱畢一曲《歲月流情》，獲得評審張佳添好評：「你嘅音色好靚，同埋你用共鳴唱歌，已經贏咗一半。」

另邊廂，選唱《別問我是誰》的41歲戚黛黛則被張佳添彈：「如果係一個香港小姐才藝表演，係OK嘅。」周國豐亦批評：「你演繹成首歌好工整，但冇乜味道，唱唔出對愛有渴求嘅感覺。」曾是《閃電傳真機》主持兼歌手的48歲姚安娜在海選時以「小丑」造型突圍，今次她以「吉卜賽女郎」造型亮相，加上面部特色化妝，非常搶鏡。