林一峰南非回港綵排演唱會撞正十號波 有興趣同陳卓賢合作:唔知佢識唔識我

林一峰昨晚到觀塘為下月在藝術中心舉行的《林一峰失眠二十年音樂會》綵排，已有4年沒開騷的他專誠從南非返港綵排，不過返港時就剛好遇上颱風，他乘坐的飛機是唯一一班能降落的航班，返到家後便掛十號風球，問有沒有遇到驚險事，他說：「冇乜，嗰一刻已經唔識驚，我落機前都未知道所有嘢取消晒。」見一峰明顯瘦了很多，他指現在已胖了一點有55kg，他指早前因網球肘、高爾夫球肘和肩周炎一起病發，吃了年半齋來調理，最慘是年半不可以彈結他，只有練唱歌，並指這四年經歷了很多：「經過COVID、小狗去世後照顧新的小狗，呢4年係一個考驗。」

一峰返港時剛好遇上颱風，逢到家就掛十號。

已旅居外地十多年的一峰，曾在愛爾蘭、緬甸及美國等地方住過，自己也剛搬到南非兩星期，坦言因為當地生活費較香港平很多，問會否帶父母到南非居住，他表示要先等他在南非安定下來，另一方面也需要儲夠飛行里數讓父母坐頭等艙。

曾旅居蘇格蘭。

一峰稱演唱會綵排進度OK，個唱上亦會唱回首張大碟《林一峰的床頭歌》全部歌及會翻唱別人的歌，亦會在演唱會上讀自己寫的文章，提到有很多人叫他唱MIRROR成員陳卓賢的歌，一峰說：「聽過佢啲歌，我唔知佢知唔知我係邊個，我咁多年都唔喺香港，我又真係大一截（年齡）。（咁今次會唔會唱？）出年先，我其實有好多大計，我想做多啲同音樂有關嘅Crossover。」講到合作，他笑言要看對方是否認識他：「好奇？個世界轉得咁快。」至於嘉賓方面，他未知細妹林二汶會不會來，雖然少爺占講過會去，但對方現在身處日本。一峰又指今次會逗留一星期，之後會返南非執屋，他又指旅居時寫很多旅遊歌，什麼語言也有。

《星島頭條》新網站有更多精彩內容：http://www.stheadline.com/