破毒強人丨蕭正楠跟黃日華跑步 發哥驚喜現身爆有睇 創今年劇集單集收視冠軍

蕭正楠、張曦雯（Kelly）、張寶兒、郭柏妍（Rosita）等宣傳《破毒強人》，宣佈上周最高收視達28點，是2023年兩線劇集單集收視冠軍，監製指劇中角色均坐監或死亡，因此沒計劃拍續集，但可考慮拍前傳。阿蕭笑言前傳可拍他跟張曦雯的感情線，還爆發哥都有收睇。

阿蕭指收視成績好不一定關颱風事。

該劇拍足半年歷時疫情，蕭正楠拍得辛苦又擔驚受怕。

《破毒強人》上周最高收視達28點，是2023年兩線劇集單集收視冠軍。

《破毒強人》台前幕後齊齊慶祝。

真係飲得杯落。

馬貫東獲讚表現出色。

阿蕭笑言收視成績好不一定關颱風事，大家可選擇睇或不睇，並透露一眾主演及監製夾錢舉行慶功宴，因拍攝時長達半年歷時疫情，拍得辛苦又擔驚受怕，他並沒收視壓力，會留意評論，爆周潤發都有收睇：「早前和華哥（黃日華）跑步，發哥驚喜出現，發哥說有睇，笑問我乜可以咁型？我平時唔係咁，叫我有呢類角色要好好發展。可能平時和曹永廉一齊搞笑，被他拉低了！」

阿蕭拉埋老婆黃翠如跟黃日華跑步。

蕭正楠跟發哥及華哥跑步。

發哥都爆響口話有睇《破毒強人》。

講到阿蕭與張曦雯感情線適合拍前傳，二人都笑言可以，張曦雯指：「雖然沒很多場口，但都有交代一些昔日的Sweet，不甜蜜但觀眾都覺得我們襯。」阿蕭指觀眾期待他何時接納張曦雯，預告還有一場激吻戲。問怎支開太太黃翠如？他笑說：「轉台去睇她的旅遊節目，或出去食飯！」張曦雯指男友很支持也明白她，但懷疑有呷醋：「我都要諗計打發，最近我忙拍劇沒陪他睇，他會開電視自己睇，前晚他在播映時段突然短訊我說I Miss You，可能唔知睇到甚麼鏡頭！」

張曦雯出席宣傳活動晒長腿。

張曦雯有觀眾緣。

兩人建議喺《破毒強人》前傳中交代兩感情線。

呢對螢幕情侶得觀眾歡心。

兩人相當合拍。

如拍前傳可交代一些昔日兩人的Sweet。

阿蕭喺《破毒強人》好有發揮。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ