玲玲友情報丨麥玲玲自爆與老公首次約會看三級片！黃紫恩被數八宗罪難出Pool

2023-09-04 15:30

堪輿學家麥玲玲主持的TVB清談節目《玲玲友情報》最近一集將於後晚（6日）播出，主題是「出Pool」，請來戀愛教練Angus分享工作上遇到趣事，還找來J2er黃紫恩（JoJo）、胡美貽（Nicole）和蔡景行（行仔）吹水講愛情。

【點擊睇麥玲玲講老公】：

今集《玲玲友情報》主持有（左起）胡美貽、黃紫恩、麥玲玲和蔡景行。

黃紫恩與蔡景行都是單身，黃紫恩還被工作人員圍插。

今集請來戀愛教練Angus。

單身的蔡景行，努力向Angus請教約會要訣。

見黃紫恩同胡美貽的反應，就知節目內容多驚爆啦。

黃紫恩絕對是反應彈。

Angus說黃紫恩與胡美貽是屬於同分類型，到底點解呢？

麥玲玲與老公第一次約會就是睇三級片，令黃紫恩非常愕然！

麥玲玲對於胡美貽的瘋癲論，聽到皺晒眉頭。

黃紫恩自爆是M底女友。

麥玲玲都冇符。

麥玲玲第一次同老公的約會餐廳是迴轉壽司，還說老公特別選平民餐廳作為首度約會。

黃紫恩聽完之後說「學到嘢」。

麥玲玲話「佢想打人」時，都是笑笑口，果然是開心果。

對於被工作人員圍剿，黃紫恩不怒反笑，揚言為出Pool要封口！

從事愛情配對工作的 Angus，經常遇到客人提出騎呢要求，有一次一位在美國矽谷做IT的男士，想找一位樣貌和身材俱值95分的女士做女友，豪氣表示能令對方衣食無憂之餘，每個月更可送上名牌手袋做禮物，麥玲玲聽罷大笑：「抵佢冇女朋友，你唔可以覺得個個人都黐住個價錢牌，講感情架嘛！」

Angus又謂曾遇過有男士以「處女」為擇偶條件，主持們聽畢均勁大反應，並好奇Angus如何替女方驗明正身；Angus還爆出該名男士搵處女背後真正原因，麥玲玲和胡美貽聽畢大嘆扣分。麥玲玲之後亦自爆遇過不少有奇怪擇偶要求的客人：「我有個客話一定要搵個女仔鍾意食餃子，有個女仔就話個男仔一定要返著西裝嘅工！」麥玲玲開心Share完還忍不住警世地感嘆謂：「條件你自己set啫，但真正遇唔遇到係另一回事。你set到條件好高時，先望望自己，要求越高，成功找到心儀對象機會就越低。」

吹水期間，麥玲玲大爆老公當初擇偶條件亦相當不切實際：「希望將來另一半係超瘦，同埋預佢結婚後肥30%就啱啱好，呢啲就係怕咩就踩咩。」麥玲玲又大爆老公刻意挑選「平民餐廳」作首次約會撐枱腳地點，全因想測試約會女士人品和質素，豈料不但因而一度激到約會對象拂袖離座，麥玲玲亦吃迴轉壽司吃到扯晒火：「好麻煩，食住嘢都要不斷褪位，嘩！真係想打人，好彩我個人唔現實啫。」自命「魔高一丈」的麥玲玲，又自爆首次跟老公約會節目是睇三級恐怖片，而且老公竟比她更驚青，相當驚爆！