有片｜火炭馬騮闖餅店搶食物 女店員無奈：返去啦，走啦
2023-09-02 13:26 
風雨交加的打風日，火炭穗禾苑一隻馬騮走去打劫！該馬騮疑飢寒交迫，闖進一間餅店搶食物，引起街坊圍觀， 女店員見此不速之客，多次叫牠：「返去啦，走啦」，惟馬騮不理睬，走上收銀枱取走麵包，在附近梯間開餐祭五臟廟。
✦✦✦穗禾苑馬騮搶劫食物✦✦✦
該短片今（2日）日上傳，片中的馬騮身形壯健，坐在陳列櫃上望住女店員，途人在門口圍觀，有人用手機拍攝，男街坊說：「隻馬騮幾大隻……，肚餓馬騮」，女店員與馬騮共處一室，四目交投，暗暗叫苦，不敢出手驅趕馬騮，只能好言相勸：「出去啦，冇嘢食呀」、「返去啦，走啦」。
馬騮鐵下心腸非搶不可，甚麼說話也聽不進耳，反而步步進逼，探試女店員的心理底線，不料女店員一觸即潰，當馬騮爬近時，她大叫一聲，即奔入房內，任由馬騮為所欲為，馬騮揀擇地選取食物，將不喜歡的丟在地上，最終拿走兩包食物，就在附近梯間進食。
網民表示：「打風d小動物最慘，其實佢都冇惡意嘅，應該真係好肚餓先會入咗去」、「佢真係好肚餓，好彩唔係成班兄弟入去揀咋 攞完野食走好，唔會傷到人」、「攞完野食走好，唔會傷到人」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應