英超｜傅家俊帶囡囡去奧脫福 細講曼聯情懷

英超第三輪強戰爆發!矚目大戰當然包括紐卡素主場迎戰利物浦，但是本週紅魔鬼曼聯依然是球迷焦 點。Now TV 更首次派出主持謝德謙聯同本港著名桌球手傅家俊(Marco)，於奥脱福球場做場邊直播。

曼聯於兩輪賽事一勝一負，兩場賽事都話題多多，球証判決成為爭議，不少紅魔球迷都認為球隊未能 發揮應有水準。今晚10點主場對諾定咸森林，可以話不容有失。

晴空萬里奧脫福

鍾意紅魔咁耐，傅家俊（右）第一次入奧脱福。

謝德謙（右）睇好奧拿拿，可以成為曼聯新一代鋼門。

 Now TV 特別安排身在英國的傅家俊及謝德謙，雙雙聯同家人於大戰前，展開一次奥脱福之旅。 他們會於比賽前一天，到曼聯訓練基地，參觀球隊集訓。而在比賽當日，更會參觀奧脫福球場，然後 在場邊進行現場直播，將他們的所見所聞分享給觀眾知道。現場氣氛如何、球員狀態、以及最新陣容。 兩位資深運動員兼球迷將會為你逐一報道。

Marco 一直是曼聯 fans，亦都睇過多場曼聯比賽，但原來今次是他首次踏足奧脫福，所以心情興奮， 今次帶同小朋友一齊睇波，他更會向女兒講述自己喜歡曼聯的原因，將睇波成為一項親子活動。Marco 更透露原來好多桌球手都是足球迷，例如羅拔臣捧車路士、佩利熱愛阿仙奴等，閒時球手相遇都會講 波經，期望有機會跟其他球手，分享今次奥脱福之旅的難忘經驗。至於阿謙就期待可以睇到曼聯操練， 他更認為安拿拿是近年難得積極同主動的門將，風格近似紐亞，前途無可限量。

 

_____________________________

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ