「催眠黨」疑入侵青衣 港爸自動㩒錢奉獻 痛失$XXXX（附騙徒5大特徵）｜Juicy叮

催眠黨懷疑入侵青衣。有網民在facebook發長文，引述其父親日前懷疑遇騙的經歷，指疑似騙徒「打個手勢，講咗句嘢」，其父即如鬼迷心竅般到櫃員機給對方㩒錢，提醒街坊警剔。

樓主以「青衣懷疑有催眠騙徒入侵」為題發文↓↓↓↓

樓主以「青衣懷疑有催眠騙徒入侵」為題發文。

（8月10日，周四）啱啱食晚飯嘅時候，

我爸爸話佢前幾日（星期一）8月7號晚，大概夜晚10點個陣，

喺青衣城行去運動場嗰度中途遇到一個陌生男人。

我爸爸話呢個男人同佢打咗個手勢，講咗句嘢。

其實當時我爸爸話佢已經行過咗，但係唔知做咩突然鬼迷心竅咁番轉頭同個男人講嘢。

佢憶述話個男人係講普通話，大概30幾歲，170cm高左右，

同行仲有個女人，同一個11-13歲到嘅女仔。

個男人同我爸爸講話佢哋係喺澳門嚟， ​

然後冇晒錢，我爸爸平時好醒目，絕對唔會畀人呃，

但佢話個下好似畀個陌生男人催眠咁，話個男人當時講咩佢都信，

仲唔覺得有問題，仲同佢一齊去櫃員機㩒錢，㩒咗$4000畀佢。

跟住個男人講多幾講，我爸爸又畀多$2000個陌生男人。

當晚番到屋企佢都唔覺到咩問題，到第二日瞓醒，

佢先驚覺自己畀個個男人呃咗$6000。

佢可能驚畀屋企人話，所以啱啱先同我哋講，我哋會同爸爸去警署報案。

其實真係未必捉到人，個$6000應該都攞唔番。

但我想借今次件事喺到提醒咁多位青衣嘅街坊要小心，唔希望有下個街坊做受害者。

祝各位身體健康，生活愉快！（全文完） ​

樓主帖文。網上截圖

網民形容事件「恐怖」，指新聞曾報道「迷魂黨」騙案，懷疑這派別的騙徒最近又活躍起來，並自爆自己或有親人過往也曾遇上類似經歷，有人提到「我朋友阿媽中過」，並總結提醒「好人好者我唔會畀錢人洗」。

「催眠黨」騙徒5大特徵

總結樓主所言，「催眠黨」騙徒有5大特徵，包括自稱來自澳門、操普通話、年約30多歲、身高170cm、與一名女子，和一名11-13歲女童同行。見到「催眠黨」出沒，網民形容事件「奇怪」，情況「恐怖」，估計那些「可能係迷魂煙」，並建議「陌生人就唔應該理會佢」。

有網民回應時更自爆自己，或有親人曾遇上類似經歷↓↓↓↓

事主喺青衣城行去運動場嗰度中途遇到一個陌生男人。資料圖片

「催眠黨」騙徒5大特徵。

網民自爆自己或親人曾遇上類似經歷。

網民：有次我晚上經過青衣城對面......。網上截圖

網民：我亞媽講過佢細個嗰時遇過......。網上截圖

網民：尖沙咀都有㗎......。網上截圖

網民：我之前都見到兩個女人......。網上截圖

網民：喺尖東POLYU門口......。網上截圖

我同學就是這樣被騙了全身家，連行李都拿走。

香港都有，我朋友阿媽中過。

網民：我老公親戚遇過......。網上截圖

網民提出防騙建議：

其他回應的網民旁觀者清，提出不少有用的防騙建議，指「好人好者我唔會畀錢人洗」、「陌生人就唔應該理會佢」、「人本來應要有嘅熱心，都變成要對陌生人冷漠嚟保護自己了」。另有人提到「櫃員機同附近應該有CCTV」，並指樓主父親「算好彩，呃$6000」、「當體驗催眠課程，承惠$6000」。更多網民回應請瀏覽下圖↓↓↓↓。

網民回應提出防騙建議↓↓↓↓

事主喺青衣城行去運動場嗰度中途遇到一個陌生男人。資料圖片

網民：催眠，迷魂煙早幾年已有。

網民：咁奇怪。網上截圖

網民：真定假有咁嘅技術，我都想學呀。

網民：之前用迷魂煙。網上截圖

網民：好彩我平時行路唔望人，望地下多......

網民：香港都有發生過。

網民：好奇係咪真係咁勁......如果我有咁勁我一定唔止呃6000

網民：櫃員機同附近應該有CCTV。網上截圖

網民：迷魂煙，很早就有了。

網民：好恐怖。網上截圖

網民：陌生人就唔好理佢。

相關新聞：

西環變種「呃食黨」唔要錢改要ＸＸ 苦主矇查查破財：我係咪俾人呃咗啊？

西環變種「呃食黨」唔要錢改要ＸＸ 苦主矇查查破財：我係咪俾人呃咗啊？

 有市民懷疑遇上「呃食黨」，日前不虞有詐，給聲稱無錢買食物的一行3名男女，在便利店買下數支飲品、3個飯團和1件蛋糕。花掉107大元的事主事後在facebook以「我係咪俾人呃咗啊？」為題發文警世，並補充「佢哋仲想買幾包朱古力，我話太貴啦，我唔肯請」。網民幾乎肯定「被騙了」，並安慰「就當做善事，福有油雞啦」。有留言的網民及後講出事件原來有續集，發現3名騙徒始終想食朱古力，得手後折返便利店退換飯團，換走一盒朱古力和兩條「繽紛樂」朱古力。

樓主自述懷疑被「呃食黨」行騙經過 ＋ 網民機警回應↓↓↓↓

樓主7月29日晚上以「我係咪俾人呃咗啊？」為題上載兩相，講述懷疑被騙經過（見下圖）↓↓↓↓

樓主上載兩相講述懷疑被騙經過。網上截圖

樓主的「貢品」。網圖

樓主損失107大元。網上截圖

網民：下次再有人說冇$$開飯，請他去警署。網上截圖

樓主：匆忙間，只影到黑衫條友嘅背脊，影唔到兩個女人。網圖

樓主：嗰刻我都覺得佢係貪心嘅。網上截圖

 

—————

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg