獨家丨七師傅佛堂加出海超渡幼鯨減負能量 鯨魚代表經濟市民投資要小心

月前，西貢海域出現布氏幼鯨，現身唔夠半個月便浮屍海面。港人對於鯨逝一片哀號，社交平台及討論區洗版式表示痛心。常做功德，將「師傅愛你」掛口邊的七師傅(七仙羽)為減低港人負能量，特別為鯨魚進行超渡法事，除在佛堂唸經超渡，更出埋海進行龍王法事及「放生」儀式，希望幼鯨能往生淨土。採訪：方騫平 攝影：羅安強、朱偉彥

七師傅在佛堂內為布氏幼鯨做超渡功德，希望能減低大眾的負能量。

七師傅將代表布氏幼鯨嘅吹氣鯨魚公仔放落水，象徵自由自在回歸大海。

於氏海域出沒嘅布氏幼鯨猝逝，大量港人表示痛心及可惜。

西貢海域出現布氏幼鯨，現身唔夠半個月便浮屍海面。

不幸猝逝幼鯨已長埋黃土。

眼見布氏鯨（7月31日）葬身大海，喜歡動物的七師傅火速在佛堂為已逝幼鯨招魂，再供水、供燈、供花、燒香及唸經超渡，懂動物傳心術的七師傅日日跟幼鯨溝通：「佢好鍾意我改佢名叫『布布』，『布布』好乖又愛熱鬧，特別好玩水及飲水，每日供嘅水好快就冇咗一半，佢喺我佛堂聽經，唔再痛、唔再驚，玩得好開心。『布布』仲唔介意成為我佛堂嘅守護神，保護住佛堂。」

七師傅將化身逝鯨嘅吹氣鯨魚公仔取名「布布」，每日喺佛堂為牠唸經及溝通。

師傅指「布布」特別好玩水及飲水，每日供嘅水好快就冇咗一半。

悲劇變「愛的教育」

師傅又擇日子，於本周一 (7日)下午跟徒弟出海進行龍王法事及「放生」儀式，師傅在艇仔內除咗燒香、灑淨即灑收作過法嘅白米外，還供海龍王金、銀、琉璃、水晶、珍珠、硨磲及珊瑚珠寶，同時又合十唸經，最後將代表布氏幼鯨嘅可愛吹氣鯨魚公仔放落水，象徵回歸大海。半小時儀式令師傅出晒汗，但為咗「布布」能往生淨土，出錢出力不辭勞苦，七師傅說：「『布布』帶畀香港人好多歡樂係一個大功德，來生唔使再輪迴畜生道喇。」七師傅希望將呢次慘痛教訓變成「愛的教育」，趁機教導市民有關鯨豚及其他大型海洋生物嘅生活習性，吸收正確知識保護生態。

期間用金、銀、琉璃等供養海龍王。

做法事灑淨，灑收作過法嘅白米。

七師傅希望將呢次慘痛教訓變成「愛的教育」，吸收正確知識保護生態。

鯨逝香港經濟轉差

有指布氏鯨猝逝係凶兆，師傅坦承會影響香港運程：「宇宙嘅嘢係會有預兆，鯨魚代表財運及經濟，佢嚟到香港水域本來係帶畀香港吉祥，𠵱家狀況寓意冬天打後一段長時間，香港經濟會變差，樓市冇咁快復蘇，要去返『亞洲四小龍』輝煌時期，最快要2045年後，所以大家投資上要小心謹慎，不過，做咗超渡法事會有幫助，劣勢能減半。」

師傅在佛堂為雀仔「阿嬌」皈依，「阿嬌」聽話叩拜佛菩薩。

傅明憲曾到師傅佛堂為寵物超渡及皈依，兩人呼籲大家要終生愛錫動物。

師傅和外藉老公都好鍾意小動物，叮囑大家要做負責任主人。

姜濤行運要黐多啲

七師傅主張大家多報施做善良嘅人：「農曆七月嘅盂蘭節，情緒會容易低落，尤其有是非及感情有問題嘅人。」另外，七師傅留意到香港人有好多心理疾病，「唔少善信去佛堂向我求助，大家要留意多啲心靈健康。」七師傅建議受情緒困擾者，可多著有色彩的衣服，每日唸3次心經，最好多啲接觸正面嘅人和事，如行緊運嘅姜濤：「佢係一個好正面嘅一線藝人，連羅志祥都夾到時間做個唱嘉賓就知有運，未來運勢都好。」對於姜濤的身形一直惹來評論，七師傅坦言身為藝人，特別行偶像路線的應該瘦啲。不過，七師傅維護姜濤：「佢𠵱家唔肥呀！而且24歲仲係發育時期要營養嘛，畀佢食多啲，健康係最重要，我係佢呢個年紀體重超過140磅，我諗『姜糖』寧願偶像健康多過瘦啦。」

師傅指姜濤行緊運，做乜都會得心應手。

姜濤不論身形肥瘦都有運行。

七師傅叫大家多行善做功德，有助提升運程。

七師傅常出錢出力做善事。

七師傅兩年前接受微辣加蔥訪問片段最近被翻出，更被網民讚係神預測。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ