黎諾懿兒子「小春雞」性格外向搶盡風頭 不介意被冷落：我仲舒服咗

黎諾懿與太太李潔瑩、囝囝「小春雞」黎峰睿日前與譚玉瑛出席型醫健旗艦中心開幕典禮活動，活潑可愛的「小春雞」無懼大場面，開心「搶Fo」滿場飛，爸爸黎諾懿笑言絕不介意人氣被搶並說：「佢嘅笑係發自內心，我覺得小朋友係要多啲接觸唔同嘅人，咁佢哋成長先會快，同埋識得與人溝通。」

【點擊睇黎諾懿兒子「小春雞」無懼大場面】：

 

黎諾懿近年參與不少慈善活動。

一家四口生活相當幸福。

小春雞相當痛錫細佬。

成日陪弟弟玩。

黎諾懿近年參與不少幕後工作。

愈大愈可愛！

出席開幕典禮活動。

一家三口現身活動。

「小春雞」在活動成功搶風頭。

同場還有譚玉瑛姐姐。

黎諾懿直言會繼續身體力行向「小春雞」灌輸做慈善工作、助人的理念。

作為爸爸的黎諾懿笑言囝囝的性格十分PR。

爭相打卡！

譚玉瑛任影唔嬲。

黎諾懿近年參與不少關於醫學的工作，今次他以健康代言人身份與家人、譚玉瑛擔任開幕嘉賓，並遞交價值逾港幣200萬元支票予九龍樂善堂代表，作為捐出100名白內障手術名額的用途，極具意義，黎諾懿直言讀萬卷書，不如行萬里路，他會繼續身體力行向「小春雞」灌輸做慈善工作、助人的理念，他說：「佢經常聽爸爸講做慈善，但唔會明，一定要一齊出嚟做，先知道呢個世界原來好多人需要幫助，令佢慢慢習慣去照顧人，最近放暑假，佢都成日跟住我做唔同嘅慈善工作，最近一次我哋做義工帶咗一班小朋友到樂園玩。」

黎諾懿不介意囝囝在娛樂圈發展

「小春雞」在活動成功搶風頭，作為爸爸的黎諾懿笑言對方性格十分PR：「其實我仲舒服咗，佢分擔咗啲影相時間，見到個仔好享受畀一班姐姐圍住影相，佢嘅笑係發自內心，我覺得小朋友係要多啲接觸唔同嘅人，咁佢哋成長先會快，同埋識得與人溝通。」「小春雞」性格外向，黎諾懿坦言不介意囝囝在娛樂圈發展：「我唔會介意佢喺呢行發展，最重要佢開心，但首要係讀多啲書先，識多啲唔同語言，因為我自己都好後悔冇讀好書，搞到普通話同英文都唔叻。」

向來注重健康的譚玉瑛，談到工作與健康生活之間的取捨，她直言必以後者行先：「我甚少日夜顛倒生活，一開始選擇做兒童節目，就係欣賞日光白白嘅工作，無需做到半夜三更，因為我個人好執着，細個老師話要早睡早起，我就入咗腦、堅持住，九點就要瞓覺。」

 

【其他閱讀】：

黎諾懿6歲大仔染病毒發高燒入院 病徵似感冒提醒家長要積極求醫

郭柏妍重手濾鏡嚇人雙眼放大又凸 網民驚訝黎諾懿一齊直播帶貨無事

請1日假去旅行丨黎諾懿上廣州竟與「女兒」相認 陳懿德邵初同款泳衣再競選

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ