英超｜莫耶斯冇人用 韋斯咸靠足球界「Speed Dating」搵球員

韋斯咸由7月轉會窗開放至今是唯一一支未買入任何球員的英超球會，有出無入，最近更有領隊莫耶斯向球會投訴冇人用，日前就有報導指，韋斯咸在配對公司登網上廣告，希望搵到7個位置的球員。

賣迪格蘭賴斯收1億 1蚊都未用過 

韋斯咸上季贏得歐洲協會聯賽冠軍，今夏有迪格蘭賴斯(Declan Rice)以紀錄價1億英鎊轉投阿仙奴，資金充裕，但轉會窗開放至今卻1蚊都未用過，轉會有出無入，而面對即將開季的英超，莫耶斯對球會大發雷霆，球迷亦對於球會未有任何引援非常沮喪。

韋斯咸上季贏得歐洲協會聯賽冠軍。美聯社

領隊莫耶斯向韋斯咸投訴冇人用。美聯社

有報導指，韋斯咸在配對公司登網上廣告，希望搵到7個位置的球員。網上圖片

有報導指，韋斯咸在配對公司登網上廣告，希望搵到7個位置的球員。網上圖片

英超轉會消息｜Here We Go! 迪格蘭賴斯準備加盟阿仙奴

迪格蘭賴斯周六落實與阿仙奴簽約5年。

 

英超開鑼在即 韋斯咸網上登廣告急徴7球員

令韋斯咸球迷更加焦慮的是，《The Athletic 》報導，英超開鑼在即 ，韋斯咸走投無路，在有足球界Speed Dating公司之稱的TransferRoom網站上登廣告，為7個位置急徴球員作補充。

原來呢間TransferRoom公司，是專門為足球球會、經紀人和球員提供實時市場情報並直接接觸的平台，唔少球會同球員經理人都會用呢個平台足成轉會交易，運作上就好似男女配對同SpeedDating公司一樣。

唔少歐洲球會都會在呢個平台登廣告搵球員，就好似英超白禮頓，意甲博洛尼亞，另外英冠球會例如侯城，修咸頓等都會使用呢種服務，而每年呢間TransferRoom仲會搞一Ｄ好似SpeedDating的極速約會配對活動，讓球會CEO，體育總監同埋經理人什至球員，直接埋身傾，促成唔少佳偶。至今已有超過3000個交易，經由呢個平台促成。

英超開鑼在即 ，韋斯咸在有足球界Speed Dating公司之稱的TransferRoom網站上登廣告搵人。網上圖片

英超球會白禮頓都有用球員速配服務。網上圖片

英冠球會侯城都有用球員速配服務。網上圖片

英冠球會伯明翰都有用球員速配服務。網上圖片

TransferRoom仲會搞一Ｄ好似SpeedDating的極速約會配對活動。網上圖片

 

---

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ