初選案│ 陳志全在街站曾發言「今次大家搞初選，已將個人或黨派嘅利益係放埋一邊」

民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。控方今（3日）早於西九龍法院質疑被告陳志全於街站中發言指願望包括達成民主派過半，惟從未表明「35+」難以實現，陳志全反問「當你生日許願話世界和平嘅時候，你覺得世界和平可唔可以達到呀？」陳志全完成作供，案件明日續審，辯方交代鄒家成將出庭作證。

副刑事檢控專員周天行再次引述陳志全2020年6月底街站發言「今次大家搞初選，已經係將個人或者黨派嘅利益係放埋一邊㗎喇。無論邊個出線、邊個當選，喺未來都係要同心協力抗爭到底，包括我哋之前話，不惜運用基本法賦予立法會議員嘅權力，來去否決財政預算案，係逼使林鄭月娥政府係重啟政改，係回應五大訴求，係達致雙普選」。陳志全重申重點並非上述引文，而是在街站發言緊接指「但今時今日似乎呢個step 已經跳咗喇」，林鄭月娥只是傀儡「邊個做都係噉㗎啦」，並呼籲市民投票。《香港國安法》指定法官李運騰提問「邊個做都係噉㗎啦」一話何解，陳志全解釋林鄭月娥只是執行指令，不能作主。李官再問即撤換特首也難改政策？陳志全同意，故重申發言意在呼籲選民投票，至少能展現港人力量。

法官陳慶偉。資料圖片

副刑事檢控專員周天行。資料圖片

周天行追問即陳志全認為對抗林鄭月娥無用，反而應對抗中共？陳志全否認，以修訂逃犯條例一事為例，相信林鄭月娥背後獲中央首肯才宣佈條例「壽終正寢」，惟其在港對口單位為特區政府，故也必須通過林鄭月娥才能改善民生。周天行再引述其街站發言指「議席係工具，議會亦都係一個工具，抗爭至係我哋嘅目標，對付呢個港共政權、對付呢個國安惡法至係我哋嘅目標」，指出陳志全參加初選目標在對抗港共政權。陳志全解釋指民主派作為議會中少數派，對手是建制派及特區政府，每日要鬥智鬥力去改善政策不完善之處，施壓爭取落實港人訴求，反問「噉呢個係咪叫做對抗政權呢？如果呢個係噉咪係囉」。

陳志全補充惟自己仍然經常與政府及建制派合作推行政策，以改善港人生活，「無論喺建制派定特區政府之間，我都係一個可以合作可以溝通嘅對象，呢個係鐵一般嘅事實」。法官陳慶偉指出街站中其從未提及會與政府合作通過議案，另一方面強調對政府會抗爭到底，陳志全同意，解釋因為街站旨在說明《香港國安法》的危險，故不會同時提到自己與政府合作，「噉好分裂㗎嘛個人」。

周天行質疑陳志全於街站發言指願望包括達成民主派過半，惟從未表明「35+」難以實現，陳志全反問「當你生日許願話世界和平嘅時候，你覺得世界和平可唔可以達到呀？」陳官追問即其是否言不由衷，陳志全解釋「因為就算覺得唔能夠得到或者唔係好大可能性得到，但係希望得到，呢個係冇衝突囉我覺得」。

陳志全憶述2020年3月到7月期間，從報道等間接得悉戴耀廷曾提出以否決權作為大殺傷力憲制武器之類說法，惟不肯定具體字眼，亦指出戴耀廷多次提到「35+」目標為立會過半以行使議員憲制權力包括否決財案，「佢講來講去都係差唔多」。

周天行引述陳志全當時黨友「快必」譚得志於九龍東選舉論壇中，明言有幸當選會2次否決財案，癱瘓政府，逼使林鄭月娥下台並爭取五大訴求等，問到是否同為陳志全立場。陳志全否認，交代二人選舉各自為政，不曾討論發言內容，直言其發言違反了人民力量多年來爭取「全民直接回水」的主張，「人人派十萬你都否決，畀人斬呀真係。佢從來冇同我講過話佢會人人派層樓或者人人派十萬都會否決財政預算案，我覺得可能佢都係即場爆肚」。

法庭記者：陳子豪

--

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ