CoCo李玟逝世丨李思林消瘦現身忍痛唱李玟出道作 參加《中年好聲音》為鼓勵細妹
2023-07-30 23:00 
天后李玟（CoCo）本月5日驟然離世，終年48歲，其家屬將於明日於北角香港殯儀館為李玟舉行喪禮，並於傍晚6時至10時設有公祭，李玟二家姐李思林（Nancy）日前宣佈將於明日下午4時開始，進行網上直播，讓未能來港的粉絲亦能隔空送別李玟。雖然喪禮於明日下午舉行，但李思林今日仍與其他《中年好聲音》歌手，現身屯門錄影TVB節目《大笪地唱不停》，並接受《東張西望》訪問。
【相關閱讀】：李玟CoCo喪禮丨明設靈家人預告直播靈堂實況 老公繼女或現身致悼念詞成焦點
【點擊睇李思林消瘦現身】：
李思林在訪問中全程語帶哽咽，雙眼通紅一臉倦容，但仍不時與妹妹李玟一樣，努力在鏡頭前展現燦爛笑說。李思林透露，她去年參加《中年好聲音》時，細妹李玟的情緒已經好低落，報名是為鼓勵妹妹：「我為咗正面影響佢，自己努力，我都要佢努力。因為我都唔係一個唱歌嘅人，咁老先去參加比賽，先去努力，我希望可以刺激到佢唔好向負面諗，佢當時都好努力，個個星期都有睇，所以我想繼續努力。」
個個星期準時開心收看
李思林更表示原本曾想過以後不再唱歌，覺得所有事都徒勞無功：「初頭我諗住以後唔唱歌，所有音樂嘅嘢都唔做，因為我覺得我咁辛苦呈現畀佢睇我嘅努力，但好似冇用。而家喺度傾偈，其實可能諗諗下，嗰段時間有參加（《中年好聲音》），佢個個星期都加油打氣，陪我睇、聽我唱，令佢可能再行遠咗幾個月。佢嗰時都好正面去睇，個個星期都準時收睇，好開心，呢樣嘢令佢同家人嘅時間多咗。」
李玟喪禮在明天舉行，但李思林今日卻現身節目錄影，原來她自己亦想過缺席演出，怕會情緒思控，不過得到媽咪及家姐李秋林的鼓勵：「我聽到要唱歌，係有嬲咗，『都係唔唱喇，幫唔到人嘅』，家姐同媽咪一聽到就話『梗係唔係咁啦，你阿妹實會想你唱，唔好放棄。』媽咪話每一次唱歌啲人都會諗起阿妹，其實都係提醒每一個人，繼續傳遞妹妹嘅正能量同笑容。」主持隨時為李思林打氣，而李思林亦說：「我會努力。」
親回Bruce爭產傳聞
另外，李思林亦有接受TVB娛樂新聞台訪問，回應之前李玟丈夫Bruce的爭產、遺棄昔日李玟戰衣的傳聞。李思林說：「佢（李玟）之前已經分居咗，大部份衫都冇拎走，留低喺之前住嗰間屋。我知佢鍾意邊幾件衫，想幫佢着靚靚，送佢最後一程。」李思林續指：「搵唔到，大部份晚裝都冇晒，知道佢好鍾意某一兩件衫，都係一種物件啫，冇咗咪買返畀佢着囉。」提到Bruce的爭產傳聞，李思林則表示：「其實記者講之嘛，都唔係我口中講。」
【其他文章】：
CoCo李玟逝世丨喪禮明香港殯儀館舉行 粉絲提前送花牌5個字道盡思念之情
CoCo李玟逝世丨粉絲買巴士站廣告送偶像最後禮物 精心選圖驕人成就逐樣數
CoCo李玟逝世丨李玟老公Bruce發聲明稱不會爭產 稱有人惡意造謠保留追究權利
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應