48歲吳彥祖抗拒被標籤為男神 自爆膽固醇同糖尿砸界
2023-07-30 16:30 
因為《美少年之戀》而被封為型男的吳彥祖，2010年與太太Lisa S.及女兒吳斐然（Raven）返回美國居住，有4年未有返港，早前舉家回港與朋友見面，期間接受24味的YouTube節目訪問，對於被外間形容為「Dream Man」，吳彥祖直言：「係一個好唔公平嘅label！」
【相關閱讀】：吳彥祖久違出席內地活動惹混亂 粉絲被推跌險釀人踩人意外
【點擊睇吳彥祖Lisa. S與女兒靚相】：
48歲的吳彥祖近年在社交平台貼近照時，屢次被形容為「男神崩壞」，但幸好近期終於「收復失地」，回復昔日男神感覺，連三位主持見到他都讚不絕口，不過吳彥祖笑說：「身體機能feel係冇以前咁好，就算做gym都要改變啲方法去操，要時間畀身體recover，最緊要唔好受傷。我而家平均一個禮拜打兩日拳，有二日做瑜珈。」原來吳彥祖40歲之後開始重做瑜伽，他反而覺得舊患有所改善：「飲食都有改善，食少咗醣同甜品，膽固醇同糖尿啱啱去到邊界，未去到危機，但係要好小心，始終年紀大，要面對呢個現實。」
吳彥祖在大眾心目中的「Dream Man」，主持笑稱一個男人要做到好似吳彥祖這樣才叫男人，吳彥祖笑言：「佢哋識我咩？講到我好似好完美，但我唔係完美，邊個完美？冇人完美。我想做一個好爸爸，但有時唔係，唯有盡全力做，我都會錯，所以嗰啲形容，男神又好，即係畀一個唔公平嘅label（標籤）人哋，又要去搣呢啲嘢，但其實我好多年前都冇理呢啲嘢，照做返自己，同時我完全唔係一個perfect嘅人，我都成日錯，湊女成日都會反映返自己。譬如見到自己嘅細路做錯一啲嘢，你好想鬧佢，點知諗返自己細個都係咁樣，或者細個唔鍾意歡我爸爸鬧我嘅方法，但某種程度上，而家我都試過同一番說話，呢啲都會反映到。」
【其他文章】：
48歲吳彥祖自拍失守男神崩壞驚現三下巴？ 低調快閃香港恨再拍港產片
吳彥祖大叔Look遊台北自拍失焦避魚尾紋現形？ 「父子」重聚同用斜孭袋有默契
吳彥祖囡囡嬰兒照曝光！晒相賀愛女10歲生日 眼仔睩睩電力拍得住型男爸爸
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應