鄧麗欣驚喜現身網上節目 張小倫遇女神背妻示愛：好想追佢
2023-07-19 06:00 
香港劍擊代表隊「大師兄」張小倫首個網上清談節目《大師兄Friend嚟喇》不經不覺做了8集，第8集亦係最後一集，導演為大師兄製造驚喜，欺騙他這集嘉賓除了有18項香港紀錄保持者，香港女子游泳選手兼藝人歐鎧淳外，但結果來的是他由細到大傾慕的女神Stephy (鄧麗欣)，驚訝之外更手騰腳震。聊天到最後，他再也忍不住向Stephy示愛，坦言細個曾經幻想過，如果第日大個Stephy仲係單身，好想追佢。
大師兄當日進錄影棚，見到兩位女嘉賓當中，其中一個竟然係Stephy，隨即驚訝大叫：「嘩！嘩！嘩！點解……係佢……我上次出席一個活動，本來話可以見到佢，最後冇，幾失望！嘩，今日見到……面都紅埋。」Stephy笑道，「我係蝦頭喎，哈哈哈，你諗住問我咩問題？」大師兄隨即口啞啞笑說：「哎呀！佢地呃住我，我連問題都未有，我都覺得有古怪㗎喇！」
面對兩位靚女，大師兄埋位面對鏡頭，立即有返專業態度，不過唔知係咪對住心目中女神，比平日拘謹少少。「佢地話有個嘉賓食素同白肉，所以我整咗波菜千層面，同煲咗個海鮮湯。」飲湯時Stephy大讚好飲，令大師兄十分開心。到節目尾聲，他再也按耐不住興奮的小fans情緒，向着鏡頭坦白說：「節目組問過我，鍾意訪問咩女藝人，我話我中學時真係好鍾意佢，（望向Stephy）我仲話，我好想追佢。假如佢𠵱家仲係單身嘅話……」Stephy立即笑道：「我都話，最唔想就係啲人見到我，同我講細細個就鍾意我囉。」大師兄：「真係好多謝你肯上我個節目，傾完偈，好舒服、好開心。」
節目過後，大師兄仍保持興奮，直言真的很開心，問到是否覺得相逢恨晚？因為雖然Stephy仍是單身，他卻已經為人夫。大師兄笑道：「想追Stephy只係小時候年少無知嘅夢想，而家當然唔敢亦唔會，我好愛老婆，老婆係我成長之後嘅女神！」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應