靈氣逼人丨龔嘉欣性感K-pop舞步色誘張振朗 女人味大爆發場面香艷
2023-07-15 16:00 
由張振朗、龔嘉欣、劉穎鏇、阮浩棕等主演的TVB劇《靈戲逼人》，吸引不少觀眾關注，首周收視更撼贏處境劇《愛．回家之開心速遞》。隨著着情發展，張振朗飾演的Ivan與女友分手後，不自覺對龔嘉欣飾演的「女鬼阿芳」產生情愫。昨晚（14日）播出的一集，張振朗睡前欣賞龔嘉欣表演K-pop，因而夢見龔嘉欣大跳Sexy Dance，之後再風情萬種跳上張振朗大髀咬耳仔，場面香艷又搞笑。
【相關閱讀】：靈戲逼人丨22歲劉芷玲揈水袖獲謝雪心大讚 原來都係薛家燕女團成員？
【點擊睇龔嘉欣性感跳舞】：
繼《新四十二章》跳勁舞後，龔嘉欣這次再度挑戰K-pop，雖然同樣以搞笑為主，但風格卻由有型變成性感。談到相關場口，龔嘉欣以「一味掛住笑」概括拍攝情況：「拍嗰陣最難係忍笑，我哋有同導演研究呢場戲誘惑同放電嘅尺度，例如係咪要撥吓頭髮咁，但最終都係大家不停係咁笑。」
另繼上周阮嘉敏及劉芷玲，本周再有年青演員彈出，就是飾演阮浩棕好友傑仔的吳子沖。前晚（13日）一集傑仔因被好友阿東（阮浩棕飾）誤解退出戲班，深感不捨的傑仔向若琳（阮嘉敏飾）訴苦期間，憶起當日摯親離世時阿東如何安慰及陪伴自己，解釋了傑仔為何願意為阿東默默付出。
原來該場是吳子沖入行五年首個爆喊戲，他在IG上載劇照及留言：「對於喊戲，我係完全冇信心，當時真係冇諗過可以喊到鼻水都出埋嚟，橫隔膜又抽筋。」由於傑仔角色單純、善良又思想正向，在網上吸獲不少正評，讚爆喊場面感動之餘，亦讚吳子沖做得好。劇中演員亦封傑仔是全劇最好玩角色，皆因可塑性高。
吳子沖演爆喊戲黑面24小時
吳子沖事後受訪時指由接到劇本知道要拍喊戲已開始擔心及緊張，拍攝前更刻意黑足24小時面及「與世隔絕」；談到拍攝感受，吳子沖笑言是講對白很難：「自己睇番出街係覺得唔係做得十分好，喊戲真係好難，難在喊得出只係第一步，然後我發現原來喊住講嘢係好難，因為條氣會抽搐，好易會好似口齒不清咁，希望下次可以講番清楚啲對白。」他又感激媽咪陪自己看了該幕兩、三次仍忍不住眼濕濕。
談到劇中好友阮浩棕，吳子沖透露二人私下亦經常出雙入對，並於劇集開拍前已約出來對劇本培養感情；吳子沖又很感激張振朗給了他不少貼士：「佢成日叫我唔好諗太多同相信感覺，叫我唔好咁理性。」吳子沖又指是次是首度飾演傻仔，為了更神似，監製建議他戴眼鏡，吳子沖更順道揭曉傑仔長期戴帽之謎：「因為傑仔好想撞鬼，咁人有三把火，咪戴帽遮住一把，加埋個斜孭袋，就成為咗傑仔嘅標誌 。 」
【其他文章】：
靈氣逼人丨兩小花彈出！阮嘉敏四眼妹Look極清純 22歲劉芷玲似學生妹
靈氣逼人丨梁舜燕孫仔阮浩棕上位變「女神收割機」 曾被劉穎鏇冷落終融化
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應