張鳳妮息影25年復出拍劇演視帝老婆 嫁大馬富商相夫教女近年變KOL敎煮餸
2023-07-12 09:00 
由梁家樹任總監製，佘詩曼、林峯、羅子溢（前名羅仲謙）、羅嘉良、許紹雄、黃浩然、余安安、陳靜和梁靖琪等人演出的劇集《家族榮耀之繼承者》日前在馬來西亞正式開機，今次是佘詩曼和林峯第六次合作，而且更有很多「童年回憶」的實力派演員加盟，其中一位是息影25年，嫁到大馬做少奶奶的張鳳妮，她將會在劇中飾演三屆視帝羅嘉良的老婆。
【點擊睇張鳳妮近況】：
對於今次找來張鳳妮演出，總監製梁家樹回覆《星島頭條》表示：「今次佢會做羅嘉良嘅太太，佢鍾意今次嘅角色！相信佢都想要挑戰一下自己！」今次亦是佘詩曼和林峯相隔9年再度合作，佘詩曼直言有6成因為林峯的關係，才接拍這套劇劇：「我知道有好多fans都好想睇我哋再次合作，所以咪應承咗！我哋會有好多意想不到嘅劇情。」劇情主要講述了豪門家族丘氏，因集團創辦人突然病重，在公司繼承人未確立的情況下，引發的一場「繼承者之位」之爭，屆時佘詩曼會與黃浩然有一段三角關係！
除了林峯外，佘詩曼與羅嘉良繼《七姊妹》後，相隔20年再合作，羅嘉良笑說：「嗰陣我睇住阿佘入TVB，而家已經變咗一個獨當一面嘅大明星，我真係戥佢開心，最緊要係20幾年都冇變，依然係咁靚！」羅嘉良在《家族榮耀》大結局曾驚喜現身20秒，今次在劇中飾演許紹雄的弟弟，羅子溢及梁靖琪則飾演他的兒女，張鳳妮飾演他的太太！
1997年退出嫁到大馬做少奶奶
張鳳妮1987年參選香港小姐並獲得「最受佳麗歡迎獎」稱號，當選後與TVB簽約，拍過不少經典劇集如《愛情三角錯》、《餐餐有宋家》和《天地男兒》。後來她於馬來西亞拍劇時結識富商老公傅仰峰，在1997年決定離開娛樂圈，嫁到大馬做少奶奶，婚後生了三位千金：長女Emily、次女Ashleigh和細女Ally，但張鳳妮未有假手於人，專心相夫教女，還會駕車去買餸！
她曾經在訪問上表示：「我平時一年返兩、三次香港，因為父母都喺香港，都會同舊朋友見面，如羅蘭、胡楓、梁葆貞、宣萱等等見面，多數都是《餐餐有宋家》的朋友。同時亦因女兒開始長大，慢慢回復自由身，試過在YouTube教煮馬來西亞菜。
【相關閱讀】：
86歲「順嫂」梁葆貞父為梁醒波曾與唐滌生為鄰 《真情》演司徒珠再爆紅
《餐餐有宋家》演員重聚 86歲梁葆貞貴婦氣質滿瀉 港姐張鳳妮仲好靚
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應