父親節丨群星晒相回憶成長 黃偉文爸爸竟似印度人 蘇永康向亡父報告囝囝近況
2023-06-18 18:00 
今日（18日）是一年一度的父親節，不少藝人趁住這天貼出爸爸的年輕靚仔相慶祝，雖然有人的父親已不在世上，但無損懷念的心情，撰文憶亡父添上暖意。黃偉文、蘇永康及鄭秀文與父親一點也不似樣，卻同樣寫下與爸爸相處時的點滴懷念。而張文慈好有心整了四張圖，簡單地寫道：「最愛最偉大的父親大人，父親節快樂！愛你哦，最緊要身體健康」，其父親驟眼看更似現年77歲的夏雨及已故曹達華，充滿星味。
【相關閱讀】：父親節丨51歲黎姿拖實白髮爸爸回春變小女孩 父親曾患腦膜炎視力聽覺變差
【點擊睇群星慶祝父親節】：
已為人父的蘇永康，除分享父親的照片外，又貼出囝囝的照片，以寫信的方式慶祝：「才叔，你好嗎？父親節快樂！同你簡單吓報告屋企情況，媽媽近半年身體好差，但係好幸運我遇到好醫生。你放心，我會盡力照顧佢……昨天Jazz幼稚園畢業了，佢人生第一個階段已經完成，其實我成日都好想問你喺我6歲嘅時候你個心諗緊啲乜？會唔會同我一樣都好唔捨得佢長大？Jazz喺畢業禮上面表演打鼓……校長同校監都直接同我講佢表現好出色！其實每一句讚美我都好想你親耳聽到，因為呢啲都係你嘅遺傳……報告完畢！有空多回家看看我們，勿念！康」。
黃偉文未有公開與爸爸的合照，貼出父親的照片更是頭髮斑白，他卻搞笑稱大家未見過其爸爸：「由細到大，個個話佢似印度人，而佢好似真係喺印度出世嘅，因為阿爺走難時去咗印度……我唔敢問阿嫲『乜喺印度生仔啲仔就會似印度人㗎咩？』費事佢懷疑我懷疑佢。Anyway，我個樣係完全唔似我老豆（竇）嘅，否則可能一早喺Bollywood紅透半邊天。同埋（喺佢走咗一年半之後嘅）一句『父親節快樂』！」
鄭秀文受爸爸影響
鄭秀文同樣只貼出爸爸的獨照，僅記父親「人生有三點」，對她生命的影響：「這張照片，是Mi跟父親在餐廳進餐時，我隨心幫他影的。最終，這張照片成了他在『喪禮追悼會』的照片。他的愛，他對家庭的付出，他的身教，不曾磨滅。人生有三點，他對Mi畢生啟廸。父親說：1. 抱持不亢不卑的精神 2. 再壞的天氣（意思指處境），心中都要長留一塊 美麗的景域 3. 夫妻相處，懂得欣賞對方非常重要。父親對我生命的影響，極大極深。期待天家再見到他。」
除了黃偉文、蘇永康及鄭秀文外，蔡卓妍（阿Sa）、莊韻澄、何雁詩、張文慈、江美儀、馮素波及當奴亦分別貼相慶祝，感謝父親將自己帶來世上，也在成長過程中給予無限的愛。
【其他文章】：
父親節丨18歲炎明熹開綠燈隨時可以拍拖 感激四姑丈照顧來港後生活：冇佢就冇今日！
父親節丨鄭嘉穎成鑊意粉連醬倒落枱嚇窒兩子 老婆陳凱琳一齊玩做開通阿媽
Lucy媽轉目標惡搞細女Sucy出浴 「龍紋身的女孩」網民關心接李璨琛捧？
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應