獨家丨冼靖峰聞鄭則仕高要求拍劇大壓力首出快歌大膽挑戰女歌男唱

2023-06-14 08:00

冼靖峰（Archie）由參加《聲夢傳奇》開始，都是唱抒情慢歌為主，最近推出第二首單曲《BUG FIX》終嘗試快歌，原來這才是他平日愛聽歌曲的類型，不過錄製過程絕不容易，但他仍想接受挑戰。另外，Archie有機會跟大前輩鄭則仕合作新劇《神耆小子》，令他既興奮又緊張。採訪：杜杜攝影：譚志光髮型:Hugo Poon@private i salon 化妝:King Yip@King’s Makeup場地:Studio Meta

Archie本想為《BUG FIX》填詞，但最終寫得不好，下次必定再嘗試。

Archie認為作為新人，不論任何時候都要裝備好自己等待機會來臨。

Archie鍾意聽刺激感強勁的歌曲，所以就同監製講做一首近似自己聽的歌，「搵到首超級好聽嘅demo，但係Tomy（本屆《造星V》參加者，作曲何家銘）本身作畀女仔唱，試過降key但唔係嗰回事，監製問我敢唔敢挑戰照唱，我話『敢呀，嚟吖』。」

Archie希望《BUG FIX》能夠給人減壓作用，聽完會心情好。

Archie本想為《BUG FIX》填詞，但最終寫得不好，下次必定再嘗試。

新歌花雙倍時間錄

Archie接受這個挑戰，結果較第一首多花一倍時間製作，「第一首歌《一個的幸運》錄咗3個section，但係呢首歌錄咗8個section，錄先發現好多要用假聲，但用假聲去唱晒會變到好薄，要決定真聲假聲點分佈，每次錄完監製Adram Chan都畀啲歌我聽，參考吓其他歌手點咬字同理解把聲，好得意再錄把聲真係有唔同，去到第8個section諗住只係錄和音，我多口問句試吓錄多次主音，結果佢哋話唔同咗好多，不如唱埋落去，𠵱家大家聽到純粹係第8個section嘅嘢嚟。」

由於《BUG FIX》是快歌，Archie緊張現場演繹時要配合舞蹈。

另外，Archie在戲劇上也有新挑戰，就是首次跟大前輩鄭則仕合作新劇《神耆小子》，令他戰戰兢兢，「佢做過好多經典角色，又好少返TVB拍劇，所以好難得同到佢合作，監製話佢好高要求，準備功夫一定要做足，演技上嘅嘢真係做唔到佢唔會怪你，叫我要喺前輩身上學多啲，而且今次唔同《青春本我》係正劇，對白多好多，所以壓力好大，但係難得有機會，就做到最好為止。」