亞視台慶丨61歲陳庭威激罕現身 零濾鏡下狀態極好 三字形容感情狀態
2023-06-07 15:05 
亞洲電視昨晚（6日）在大埔亞視總台舉行《亞洲電視66周年台慶》，亞洲電視行政總裁徐小明率領董事局及管理層會見傳媒，還有不少昔日熟悉的面孔，包括有陳啟泰、柳影虹、李龍基、劉錫賢、江圖、宮雪花，以及久違了的前小生陳庭威！
【其他文章】：61歲前亞視一哥陳庭威身形fit爆 赤裸上身打拳晒川字腹肌令人驚嘆
【點擊睇亞視台慶現場相】：
61歲前亞視一哥陳庭威當年因為《勝者為王》系列而一炮而紅，直到2004年拍完《8號巴士站站情》之後，離開亞視北上到內地發展，成立了個人文化傳媒公司「威威世界」，幾乎絕跡香港的娛樂。久未露面陳庭威今次激罕現身，在零濾鏡下個樣keep得好好，他坦言對亞視台慶有點感觸：「我大部份時間喺外國多，好少喺香港，今次返嚟有啲開心同感觸，見番好多好朋友，好似江圖叔同劉錫賢，嗰陣我喺亞視叫做第一男主角，收視同隔離台有得揮！」
問到會否拍港劇，陳庭威笑說：「我哋都有傾吓，而家興搞嗰啲直播，所以有好多嘢都係傾緊，要睇吓自己嘅時間。」接着他除了太陽眼鏡，自信心爆崩地說：「我狀態就keep住，年年十八歲，冇乜點變，最緊要係開心每一天！人最緊要係身體健康、自由快樂就可以，呢幾年我喺大馬都有做生意。」
陳庭威出道初期曾與陳雅倫拍拖4年，不過最後分手收場，其後因拍攝《新紮師兄續集》時與曾華倩撻著，兩人過檔亞視，合作拍完《勝者為王》後，曾華倩單方面宣布分手，皆因認為他太大男子主義，難以忍受，陳庭威事後亦承認不夠細心，導致感情無疾而終，其後陳庭未再傳出戀情，問到目前的感情生活是否已婚？陳庭威說：「我仲係…自由身！你知以前係『地下情』，而家我都冇周圍去講，最近好高興同家人一齊成日食飯，講番啲以前嘅嘢，做人要活在當下，日日都要開心，我好享受而家嘅生活！」
行政總裁徐小明率領董事局及管理層會見傳媒，他希望透過台慶活動令外界更了解亞視未來動向：「其實壓力都好大，因為大家都問有咩搞，其實我最主要目的就係激活亞視，因為一個電視台冇製作就好似虛殼咁，起初我地輕鬆啲，好似新聞、財經、玄學等等。今次『碌卡』叫咗好多朋友嚟幫手，晚宴都爆晒人數，多謝大家對亞視嘅情懷支持。嚟緊亞視都會參與一個基金，我哋希望培養到人才，搵到啲好劇本。」
另一個「亞視一哥」陳啟泰亦有出席台慶，表示再為亞視拍節目感興奮：「頭先我見大堂好多人，我以為自己好熟路想做『秘道』，點知封咗搞到要行5層樓梯。我而家為亞視拍汽車節目，最好可以帶埋太太一齊拍，因為唔使跟團招呼都好啲啦！今次節目都好似監製咁，因為我哋呢啲老演員都會比好多意見嘅。」擔任司儀的劉錫賢表示多年未現身錄影廠，重回舊地感觸良多：「我1988年加入亞視，咁多年都拍過好多節目，令觀眾留低深刻印象，真係好多謝亞視，希望今次小明哥帶領亞視有新形象，令觀眾接受番我哋。」
【其他文章】：
何傲兒失踪三個月驚爆患上面癱 中西合壁治療擔心康復情況不理想
何超儀罕晒與丈夫合照「另類」放閃 陳子聰曾傳患病暴瘦後攜手走過20年
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應