92年落選亞姐陳綺明息影逾10年終現身夠天然 泳池邊出位事件笑爆娛樂圈
2023-05-31 10:00 
雖然亞洲電視在2016年已經熄機，終於在免費電視的大氣電波消失，結束59年廣播歷史。不過一班亞視藝人依然很有心，組成「A記同學會」定期舉行飯局聚會，日前一眾台前幕後的藝員同事又再聚首，不少息影多時的藝人亦出席，1992年落選亞姐陳綺明亦激罕現身，凍齡外貌亦成為焦點！
【相關文章】：90年亞姐施綺蓮激罕現身帶女睇騷 經典「王小虎眉」撞樣張栢芝！
【點擊睇陳綺明最新近況】：
曾任職空姐的陳綺明在1992年參選亞姐，當時被傳媒封為頂頭大熱，獲得最上鏡小姐名銜及最完美體態獎，但最後五強止而最後落選三甲。後來陳綺明加入亞視拍劇，有一段時間活躍娛樂圈，曾擔任「仁美清叙」副主席一職，不過1999年便淡出娛樂圈。今次陳綺明激罕現身，雖然身上留有歲月的天然痕跡，但外貌與當年做藝人分別不大，保養得好好！陳綺明在2013年接受《亞姐百人》訪問，她未有為落選而感到失望：「我嗰日嘅狀態係麻麻，可能我唔係好慣有太多新聞，攞咗兩個獎仲心理壓力大咗，不過呢個係好好經歷，唔覺得後悔，做人要捨開先有得，人生有無限嘅經歷等我哋發展。」
不過發生在陳綺明身上最經典的事件，一定是1996年出席電台舉行的活動出位露點，仍令人印象深刻。陳綺明當日參加了女子自由式50米初賽，雖然是第五名完成比賽，不過竟然成為全場焦點，因為她比賽完在池邊影相，殊不知泳衣領口移位，令到左邊乳頭「凸咗出嚟」，當時陳綺明懵然不知，任由傳媒影相，直至有工作人員上前提水，陳綺明先醒覺蝕晒底，上水後哭訴說：「點解你哋唔話我知？」又哀求記者唔好登佢張露點相。
後來陳綺明向三級女星進發，拍過《癲馬女郎之一夜情》，但是電影無人問津兼票房慘敗，1999年便淡出娛樂圈。曾拍過《 午夜麗人 》以及猛鬼電影系列如：《猛鬼差館》和《猛鬼學堂》的陳家齊，原來是陳綺明的親家姐，在影圈發展了一段日子後，移民美國後結婚生子。
【其他文章】：
璀璨帝國｜中國百貨王名媛女兒身家逾200億 晒紐約超離地豪宅俯瞰美景掟蛋糕泳池洗身當娛樂
鄭國江演唱會丨區瑞強「冇帽look」激罕曝光！ 譚詠麟鬼馬揭開「民歌王子」神秘面紗
47歲滕麗名驚變大媽？登台黑色蕾絲造型遭網民質疑：確定係佢？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應