楊千嬅演唱㑹2023丨相隔四年廣州開騷死忍唔喊爭取時間 罕有公開多謝兒子成生活動力
2023-05-28 18:50 
楊千嬅世界巡迴演唱會《MY TREE OF LIVE》的首站昨晚在廣州海心沙亞運公園展開，兩場門票在開售當日已經被秒殺，場外亦被兩萬多核心外圍觀眾包圍，場面非常誇張。今次楊千嬅相隔四年在再廣州開騷，她竟然罕有地公開多謝兒子！
【點擊睇楊千嬅世界巡迴演唱會《MY TREE OF LIVE》現場情況】：
楊千嬅出場時站在高三層樓的吊台上獻唱《飛女正傳》後，一連唱出多首經典歌曲，包括《飛女正傳》、《烈女》、《少女的祈禱》、《可惜我是水瓶座》等，觀眾熱烈歡呼，不停跟著她每首歌大合唱，楊千嬅開心說：「大家好，好耐冇見呀，你哋好犀利喎，咁樣嗌落來，好耐無聽過呢啲聲音，多謝你哋呀！你哋嗌到咁淒厲，哈哈哈....把聲我好似爭咗你哋四年錢，哈哈哈，不過我好鍾意呢啲聲音呀！」唱完《勇》之後，她又指有緣再在這舞台跟觀眾見面，很是感恩，笑問觀眾：「這個舞台感覺好魔幻，我以為會有好多嘢要同大家講，或者一開場就喊，大家都好擔心我會喊爆崩舞台....但我忍住，冇喊，點解？因為我要好珍惜唱每一隻歌的時間，代表著我每一段人生階段遇到嘅你哋，其實人生好簡單，仲有好多事可以一齊慶祝，希望下次演出仍然有你們和我慶祝。」之後唱出《還有事情可慶祝》。
楊千嬅又笑說：「其實我都係癲架，我都冇乜點變呀？其實你哋除咗想聽歌，仲想做咩？傾偈呀？我都唔知今晚揀嘅歌中唔中你哋揀嗰啲。」她又搞笑指自己的ear mon是助聽器，只看到大家「口噏噏」跟住唱，尤其是唱《河童》時：「你哋點架，可唔可以唱多次畀我聽，我會感動一世。」千嬅先唱幾句，然後歌迷即唱大合唱，令她感動非常，閃著淚光笑著說：「嘩！測試成功了，唔該晒，抽樣調查呀。你哋好勁！」看到歌迷拉的橫額，她又指著說：「見到你地啦，咩羊陪住你呀，依家見到個羊(陽)字都驚呀，知唔知呀？哈哈哈....作為一個楊（陽）姓女明星，好驚架，但見到你哋就唔驚。我嘅親友、好朋友、70人喺香港來捧場，我個仔話唔畀我提佢，但我都要多謝佢，因為我用咗好多時間去準備呢個騷，好少有阿媽多謝個仔，但我要感謝佢畀咗我好多生活動力，喺相處中嘅人生鼓勵。」
楊千嬅又自爆之前曾中招，記憶力愈來愈差：「我已經係有啲年紀嘅人，記憶力係會差啲
，多謝漏咗邊個唔好怪我，希望大家繼續支持我，做一個演唱會需要好多勇氣同時間，最緊要係每一位觀眾，先可以成立呢個演唱會，多謝你哋。山頂嘅朋友，hello，我係睇到嘅，一開場時，我係好感動，點解一開始咁夠膽喺咁高20幾呎出場？今日應該睇到我啦？我克服畏高就係希望所有山頂嘅朋友都睇到我，其實最初真係好驚。」
她又公開多謝老公丁子高：「最緊要多謝出品人丁子高先生，好想分享佢對唱歌嘅熱愛熱誠，一定唔會少過我，佢好支持我嘅演出，thank you。」之後又自爆前日做了一件好低能的事，「我平時唱歌拎咪好少換手，噚日綵排時唔小心扭親隻手，點解整親呢？我要試舞台服裝，除褲嗰陣好緊張，因為趕時間，點知一除隻手指公就kick到隻襪，然後成條筋黐埋了，手指公唔可能屈曲，工作人員介紹了一支藥膏畀我，搽咗之後好咗很多，終於拎到咪成晚了！」演唱會唱到完場安歌後，歌迷不肯離座，但廣州場地限時十點前要停止演唱會，最後她唱到九點五十九分才衝下台，清唱半首《姊妹》作結尾，令觀眾非常開心。
【其他文章】：
郭富城夫婦扚兩千金出街食飯 貪靚大女悉心打扮潮Look十足「迷你方媛」
魏駿傑與長髮女子親密合照！「情人」身份曝光獲祝福 不避談第二春自爆移居杭州
洪永城一歲女被阿媽硬餵頭咁大個麵包 Sir face與一人嘴對嘴網民驚呼：初吻咁快冇咗
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應