極悍巨鯊2:深溝丨戰狼吳京惡鬥史前恐怖巨鯊 唔怕死直升機跳海勇救泳客

18年，中美合拍的科幻動作片《極悍巨鯊》被不少影迷評為膠戲，但你咪理，全球大收5.3億美元(約41億港元)票房，見好再追，第二集《極悍巨鯊 2：深溝》將於8月3日上映，繼續由上集型佬男主角積遜史達頓 (Jason Statham)孭飛，再搭戰狼吳京惡鬥多隻成座山咁大嘅巨鯊。

將於8月3日在港上映。

故事就咁嘅，因為受到惡意採礦業影響，激嬲深海巨型怪物浮出水面攻擊人類，都話人類先係全宇宙最恐怖嘅生物，巨鯊游向水上樂園同海灘，見你玩得開心就一啖吞咗你，好彩世界上有戰狼吳京，打得又跳得，喺直升機跳落海都面無懼色，為救泳客死都唔怕，好感動呀。

咦，點解有恐龍嘅?時間返到去6千5百萬年前。

中恐龍食緊迷你恐龍。

其它恐龍覺得唔對路即閃，但中間嗰隻仲掛住食唔識走。

走啦。

太慢嘞。

睇圖好清楚，唔使解釋啦。

男主角積遜史達頓要搵人幫拖。

戰狼出場嘞，HELLO?

戰狼發現巨型生物。

研究人員落咗水底睇真啲。

突然間被嘢襲擊，留意返唔係花曬頭呀吓。

研究人員剩返個頭盔。

嚇鬼咩。

吳京叫泳客快啲走。

好明顯巨鯊吞緊班人,點影㗎?

因為好嬲，巨鯊群起圍攻人類。

本來拍緊拖好開心。

巨鯊出現。

個人影好有動感。

預告先好睇，見巨鯊襲擊眾男女主角，又惡又快又狠，但男主角積遜史達頓都唔係流的，避到又擋到，邊睇邊心諗，「吓，唔係呀嘛」，然後笑出聲，竟然令我有啲期待套戲𠻹。

左面好高速嘅就係巨鯊，佢衝去咬人但都唔夠快。

睇吓吳京幾勇猛。

積遜史達頓勁到，大佬呀呢度唔係門呀。

吳京坐直升機救人。

水上樂園被巨型生物襲擊。

巨型生物條尾仲打到直升機。

吳京跳海，嗱，唔好同我講用咗CG，我唔信㗎。

《星島頭條》新網站有更多精彩內容：http://www.stheadline.com/