專欄│誰是假波案受害者？

近日本地老牌球會涉嫌集體打假波案，震驚全港球迷及一眾吃瓜還是食花生的群眾，其實最主要係提供一個話題咁大把。 嫌唔夠味道的話，若果有留意國內體壇新聞的，更可以解讀為國家對球壇打假、反貪涉賭的一系列行動，引伸的「副本」關卡。

發生事件後，基本上全港巿民都站於道德高地上參與指點兩句，最多就係陰謀論一番，話邊個邊個高層實有份。

然而，由於事件客觀影響範圍實在細，我反而認為可以作多一點討論。第一，一場基本上跟街場鬥波影響力分別不大的甲組賽事，原來能為球員帶來每場近萬元的收入，乜原來呢類N級賽事都有咁多錢投注？唔講真係唔知。這比起等甚麼發展大計來得實際。令我覺得值得研究是否應開放畀本地投注，令部分收入回到體育之上，那麼會否有錢搞隊本地版「樂天女孩」先？

第二，成件事受害人有多少（stakeholders)？巿民本身都無得賭，影響比起屋邨聚賭出千更輕微。諷刺的是，非法外圍莊家成為事件最大得益者，納稅人的錢維護了非法莊家的利益。

當然，整個賽事中，有關賽果會影響某些球隊的降班機會，呢點係唯一對香港人較重要的。除他們以外，又看不到對巿民有乜影響。 「違反體育精神」、「對香港體壇形象影響」等口號，講完自己都覺得蒼白無力。

至於周六心水，都係賭利物浦持續反底，對維拉撐上盤實際。馬高

-----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ