一舞傾城｜34D文凱玲被槍指嚇側身晒4吋事業線姚子羚化身「媽媽生」閃爆旗袍超激凸

2023-05-19 15:00

由王晶任製作人的TVB劇《一舞傾城》開播以來引起不少話題，昨晚（18日）播出的第4集，除了飾演「超班警花臥底」Michelle的姚子羚首度以「媽媽生」華麗造型登場外，飾演爛賭舞女Money的文凱玲更慘遭越南幫頭目用槍指嚇，其間擁有34D驕人上圍的文凱玲側身「倒奶」夾出4吋事業線，睇到一班觀眾「嘩嘩」聲！

【相關閱讀】：一舞傾城丨李道瑜出山演活瀟灑大狀洗甩「耀哥」除《古惑仔》成代表作淡出15年轉型從商

【點擊睇文凱玲倒奶場面】：

第4集開場有李嘉和莊鍶敏「牀」戲。

李嘉驚現「米芝蓮」贅肉！

李嘉仲以底褲仔造型示人。

劇中，廖英（李嘉飾）推薦越南幫頭目到萬國城。

越南幫頭目找Monica（蔡潔飾）和KK（陳星妤飾）不成。

越南幫頭目叫「媽媽生」沙律姐（陳法蓉飾）出嚟講數。

越南幫頭目與「媽媽生」沙律姐（陳法蓉飾）一言不合動怒。

仲用槍指嚇舞女Money。

擁有34D驕人上圍的文凱玲側身「倒奶」夾出4吋事業線！

「媽媽生」沙律姐（陳法蓉飾）最終乾兩瓶烈酒平息事件。

不過一行出門就突然吐血。

最後要送院搶救。

姚子羚飾演的Michelle為查案，昨晚混入萬國城頂替沙律姐做「見習媽媽生」。

姚子羚一出場晒美腿，一班網民即刻瘋狂Cap圖。

姚子羚之後換上白色西裝外套Look。

最後以一襲銀色Bling Bling長旗袍Look登場。

網民大讚42歲的姚子羚保養得宜。

Michelle（姚子羚飾）後來被廖英（李嘉飾）睇中。

網民焦點就落在姚子羚豐滿身材上。

該旗袍貼身的剪裁盡展姚子羚的激凸上圍。

被廖英（李嘉飾）硬拉入房的Michelle（姚子羚飾）施展一招「撩陰腿」狠踢對方下體。

Michelle（姚子羚飾）最後成功甩身。

該集講述，社團老大屠伯全（鄭恕峰飾）往澳門談賭廳生意，派廖英（李嘉飾）與越南幫談賊贓買賣，越南幫頭目在廖英推薦下到萬國城，未料找Monica（蔡潔飾）和KK（陳星妤飾）不成，越南幫頭目不悅即扯低身旁的Money，繼而用槍指嚇兼威迫「媽媽生」沙律姐（陳法蓉飾），最終沙律姐連乾兩瓶烈酒平息事件，惟引致吐血送院。劇中，穿金色幼帶低胸裙的文凱玲，甫側身一雙「D Cup雪乳」隨即呼之欲出，令一眾網民紛紛留言大讚已「四字頭」的她身材Fit到漏：「money幾正，唔講都唔知原來已經四張」、「文凱玲係童顏熟女」。

另一焦點是姚子羚飾演的Michelle為查案，昨晚混入萬國城頂替沙律姐做「見習媽媽生」，她先是穿上酒紅色連身短裙大晒美腿，後再換上一件銀色Bling Bling長旗袍，雖然心口完全包到冚，但旗袍貼身的剪裁盡展其激凸上圍，不少網民都大讚超索：「表哥幅body好X正」、「姚子0四張幾都咁X正」。其後遭廖英硬拉入房，食過夜粥的Michelle施展一招「撩陰腿」狠踢對方下體，終於成功甩身，受訪時姚子羚笑稱：「本身同佢（李嘉）都Friend，都知佢係練武之人，佢話識得一種功夫，係可以將佢下面嘅嘢收埋，佢同我講可以放心去踢。拍之前都試過一次，踢落去時真係冇嘢嘅，到正式拍時我真係好認真、放盡去踢，係一次幾得意嘅經驗。」