專欄│睇波習慣與文化的分別

2023-05-17 08:00

睇波，注定每人有不同角度和感受，而香港球迷睇外國波習慣已有很多年，不過睇波文化幾乎是零。

就如到酒吧或茶餐廳，捧同一隊的球迷自然會坐在一起，一齊關心自己支持的球隊，甚至有酒吧打正旗號只做某一隊球迷生意，一個角落同喜同悲；但同一個空間可能又會有投注的球迷，他們關心的又是注項是否贏錢。兩類球迷同樣投入賽事，不過角度完全不同。

又例如入場睇波，坐哪一邊決定了你的取態，主場球迷區還是作客球迷區，激進的Ultras還是邊線對上的溫和球迷區；座位的高低決定你的觀感，高角度睇陣式走位，低角度睇球員大頭和速度感。所以睇完一場賽事，每個人感受都肯定不同。

網絡即將進入web 3.0的時代，過往球賽單向式發放資訊已經落伍，聚眾討論才是未來發展道路，不過這就會衍生一個大問題：不同角度和感受的球迷在同一個空間（社交媒體）互動，怎可能會有共識？想想也知不可能。最大問題是某些球迷以偏概全地去逼人信服自己觀點，稍不認同的動輒就用侮辱性字句辱罵，當然我們都承受了很多年，遇到發泄式留言已學會選擇性失明。也不是說圍爐取暖不對，不過香港球迷睇外國波習慣已有很多年，但連基本尊重都未學懂，睇波文化幾乎完全是零，真令人氣餒。

最後講講今晚的歐聯4強次回合曼城對皇馬，雙方第一回合踢得謹慎，相信哥帥肥安兩隻老狐狸都打算在次回合才肉搏，如此推敲可能連今晚上半場都不敢貿然出擊，半場互無紀錄機會十分大。加利李爾

-----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字