獨家丨薛影儀獲百萬力捧Feel到自己紅咗 MV點擊勁過MIRROR 處女歌賺六位數

「亞視一姐」薛影儀於4月5日推出處女單曲《一加一等於阿儀》，MV的點擊已達156萬次，勁過只得132萬點擊的MIRROR處男英文歌《RUMOURS》MV，成績相當驚人，經理人公司AMM乘勝追擊預告為阿儀加推講父親的國語歌。「最索經理人」林寶玉指阿儀獲唔少大馬商演招手，有價有市，能為公司AMM帶來6位數字進帳，公司決定用百萬力捧她。採訪：方騫平 場地：Fleur@將軍澳

睇吓着工人褲，大派心心嘅阿儀幾清純可愛！

阿儀獲唔少大馬商演招手，有價有市。

「亞視一姐」薛影儀喺街頭派心心。

阿儀能為公司AMM帶來6位數字進帳。

「最索經理人」林寶玉和MV導演李永升(怪獸哥)好錫阿儀。

處女作點擊突破100萬後，阿儀扮貝兒公主入主題樂園慶功，勁受歡迎的阿儀一改平日迴避作風，就算不斷被集郵都來者不拒。而本報記者訪問當天，途人都認得阿儀及識佢嘅歌。

變身公主嘅阿儀入主題公園慶功，入園前被Fans拉住合照。

唱出被欺凌心聲

阿儀直言感受到自己紅咗：「開心嘅，之前都預計到有呢個成績，其實唱歌唔難，未來都想多啲唱歌及跳舞。」林寶玉指阿儀的處女歌為公司勁賺6位數，故下月父親節時會再出新歌，今年共出3首歌。不過，阿儀就唔多想唱情歌，亦冇諗過要拍拖。歌曲監製及MV導演李永升(怪獸哥)指《一加一等於阿儀》旋律既簡單，歌詞又帶出正能量，當中「無止境的喧嘩，浪費精神費事理」係唱出阿儀被欺凌的心聲。阿儀嬲豬說：「見人哋喺網上亂講嘢，我會忍唔任爆粗，有啲人真係好煩㗎，之前做完運動，喺更衣室俾人追住狂影，連老闆都話下次唔歡迎佢嚟。」

MV中造型百變，令網民喜出望外。

​ Edit media MIRROR處男英文歌《RUMOURS》MV都係得132萬點擊。 ​

 

林寶玉陪阿儀去大馬錄歌，隨時準備上場做和音。

阿儀將推出講父親嘅國語新歌。

阿儀再快將出新歌。

AMM主席拿督斯里賴彩雲博士(右2)、歌曲監製及MV導演李永升(左2)由大馬來港出席記者會。

日前阿儀做完運動被偷拍，因長期被欺凌，藉歌曲發洩冤屈氣。

新歌唱出阿儀被欺凌的心聲。。

阿儀出處女歌獲大馬唔少商演招手，為公司AMM賺六位數。

《星島頭條》APP經已推出最新版本，請立即更新，瀏覽更精彩內容：http://www.stheadline.com/