楊卓娜女兒14歲生日阿媽忍唔住偷偷抹眼淚？愈大愈靚極有潛質成星二代

2023-05-15 11:00

45歲楊卓娜（Lenna）在2009年與「廣告燈箱大王」楊志翹結婚，同年誕下女兒楊舒然（豹豹），
不過因楊志翹早年喪妻，遺下2名女兒舒婷和舒雅，雖然一躍成為3女之母，但楊卓娜欣然接受做後母並教導3名女兒相親相愛，被封為「最強繼母」！不經不覺女兒豹豹已經14歳，日前楊卓娜為女兒舉行生日會，邀請一班同學仔出席，過了一個「又笑又喊嘅一晚」！但令人感到驚喜，豹豹愈大愈靚，假以時日，極有潛質成為新一輪的「星二代」！

【點擊睇楊卓娜同女兒慶祝生日相】：

楊卓娜出道多年，星途未如妹妹楊茜堯順遂。

楊卓娜遇事業低潮期，有男友鼓勵。

楊卓娜與兩位繼女關係非常好。

楊卓娜女兒（左）與兩位家姐亦相處融洽。

楊卓娜一家五樂也融融。

楊卓娜大讚男友十分疼錫她，半夜想食宵夜都外出為她買回來。

一家人關係好好。

豹豹比媽咪更加有氣質。

早前出席楊茜堯女兒生日會。

好溫馨！

姊妹情深。

齊齊去旅行。

好勤力做功課！

愈大愈靚！

好有仙氣！

日前同女兒慶祝生日。

家姐都有送禮物。

大個女喇

同同學仔慶祝生日。

睇吓笑得幾開心。

兩母女成個餅印。

成班同學一齊慶祝。

笑到見牙唔見眼。

其實楊卓娜早已提與女兒慶祝生日，當時她慨嘆女兒「大得好快」，她說：「14歲啦！話咁快！媽媽又要偷偷抹眼淚，時間真係太快！」其後楊卓娜又再在社交平台貼上生日會的相片，感謝各位朋友仔送給俾Jasmine一個充滿歡樂同愛的晚上：「青春無敵，最純潔，最真摯的友情！見到佢哋全班好用心為Jasmine 製造驚喜，然後大家攬住一齊喊，我都好感動啊(其實我最想八卦嗰份禮物，但係壽星唔肯俾我睇）#楊氏宿舍 #十四歲的生日禮物 #青蔥歲月 #happybirthday #金牛座女生」

相中的豹豹已經由小女孩蛻變成美少女，臉變尖、輪廓開始突出，似十足媽咪的氣質，楊卓娜曾經在訪問上公開教女心得，她坦言自己都是邊湊邊學，見招拆招，因為青少年有自己思想，會質疑父母，不過她認為：「最重要係喺三個小朋友身上，我都得到好多愛。」楊卓娜與楊志翹至今仍未註冊結婚，不過楊卓娜表示老公已求婚多次，現時只欠手續，談到與老公的相識經過，原來楊卓娜是舒婷和舒雅的手工藝老師，繼而認識丈夫，最後由「老師」變成「老婆」。舒婷曾稱覺得媽咪雖並非親生，而且又從未為人母，但仍能接受另一半有兩個女兒：「媽咪一直視我為己出，唔會只對親生好，我同二妹都覺得好warm，有返媽咪愛錫。」

雖然兩個繼女與豹豹年齡相差一截，不過三姊妹的感情很，楊卓娜表示：「一家人嘅性格都唔同，要互相體諒。佢哋三姊妹都好愛對方，大家姐一有時間就帶兩個妹出去玩。二家姐同細妹仲係學生，返學放學時間差唔多，一齊喺屋企時間耐啲，所以佢哋更加糖黐豆，細妹甚至視佢為榜樣。」