有片｜鐵騎士衝斑馬線還罵途人　私家車司機仗義執言：你仲喺度鬧人

網上瘋傳電單車衝斑馬線惹公憤片段！一名鐵騎士昨（12日）駛經大角咀詩歌舞街時，沒收掣衝過斑馬線，嚇煞正在過路的途人，一名男途人不滿尾隨電單車用手機拍下車牌，但鐵騎士不知悔過，還停車除頭盔大罵對方，尾隨私家車司機目睹惡行，仗義執言怒斥鐵騎士：「斑馬線呢度，影住你，你仲喺度鬧人」。

電單車沿詩歌舞街行駛。fb：香港鐵騎館(吹水區）

電單車駛近斑馬線。fb：香港鐵騎館(吹水區）

電單車衝過斑馬線，嚇煞正在過路的男途人。fb：香港鐵騎館(吹水區）

男途人不滿鐵騎士行為。fb：香港鐵騎館(吹水區）

男途人上前拍下電單車車牌。fb：香港鐵騎館(吹水區）

鐵騎士落車怒罵男途人。fb：香港鐵騎館(吹水區）

鐵騎士被拍下車牌。fb：香港鐵騎館(吹水區）

片段全長57秒，拍攝時間於昨午6時27分，當時一輛私家車沿詩歌舞街行駛，拍攝到前方一輛電單車衝過斑馬線，險撞及一名過路男子，私家車司機睹狀禁不住說：「你咁都得，離晒譜」，只見過路男子不滿鐵騎士行為，取出手機上前拍下電單車車牌。

鐵騎士聞言停車，除下頭盔還擊，雙方爭吵起來，私家車司機也不滿地自言自語：「人哋斑馬線嚟，大佬」，同車女乘客亦說：「佢（鐵騎士）真係過份」。不久，即見身形魁悟的鐵騎士勢凶夾惡追罵男途人，私家車司機較低車窗斥責對方：「喂，斑馬線嚟㗎呢到，影住你啊，你仲喺度鬧人，你見到人哋就唔應該出啦。」

事件引起網民關注，一面倒指摘鐵騎士過份：「佢好大劑，可能罰3000蚊」、「確係離譜，做得」、「一啲悔意都冇影衰曬揸26嘅師兄」、「危險駕駛，等住停牌啦」。

---

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ