天星小輪船長猝死｜暑假一家旅行夢碎 遺孀泣訴丈夫連踩25日工作：佢為咗個家真係好辛苦！

尖沙嘴天星碼頭一艘停泊的小輪上，47歲姓鍾船長今日（3日）清晨近5時被發現倒臥船艙內，送院搶救惜回天乏術。遺孀鍾太對丈夫離世感到突然及無助，泣不成聲哭訴「我冇咗個老公呀」；又稱丈夫辛勞，升任船長後經常要連續25日工作及追更，事發當時已是連續第23日上班。她又提到，丈夫是家中經濟支柱，愛錫妻兒，一家人原暑假計劃日本旅行，豈料如今已陰陽永隔。

「佢真係好辛苦，為咗呢個家！」

鍾太提到，丈夫曾在港澳飛航上工作，其後一度任職超市職員，至2019年加入天星小輪任副船長。兩年前升任船長後，工作模式是「返10日早，10日晏，跟住5日夜，跟住先至可以放5日假」。事發當時丈夫已連續第23日上班，正當值夜更，即晚上10時至早上6時。鍾太透露，早在丈夫擔任副船長時，已聽到他回家後反映工作很累，但升任船長後，丈夫經常要追更及返夜，令情況更甚，「成日話瞓得唔好，（船）果度床又無，要自己帶啲蓆鋪喺凳度瞓，瞓得好辛苦」。

相關報道：船長執拾物件後冒汗抽搐昏厥倒地亡 家庭失支柱遺兩兒

死者遺孀（白帽）泣訴丈夫積勞。徐裕民攝

鍾太又感言，丈夫會在搭車回家時睡着，「佢真係好辛苦，為咗呢個家！」她亦補充，丈夫「佢成日都話佢哋（天星小輪）福利唔係咁全面，同埋近排都有呻公司走咗十幾人，啲人又唔夠」，懷疑是因為公司人手短缺，令丈夫積勞。至於為何天星小輪要求他連續上班25日，鍾太表示不清楚。

愛錫妻兒 家中經濟支柱

鍾太指，家中大仔13歲讀中二，細仔10歲讀小五，早前因家傭回鄉，因此自己已辭職擔任主婦照顧小朋友，全家是靠丈夫約2萬元月薪養活。她憶述，丈夫事親至孝，「係一個好孝順好孝順嘅仔」；也十分愛錫自己和兩個兒子，「乜嘢都顧住兩個仔」。被問及丈夫生前有甚麽願望，鍾太即泣不成聲，指原定一家人暑假去日本旅行，「6月份嗰時我哋本身想去旅行，之後去唔到，就同小朋友講8月份請假去」，豈料如今已陰陽永隔。

警員在船上調查。李家傑攝

涉事天星小輪停泊於碼頭。李家傑攝

涉事天星小輪停泊於碼頭。李家傑攝

親友哀傷認屍。蔡楚輝攝

親友哀傷認屍。蔡楚輝攝

鍾太說兒子在得知父親離世後反應很大，不斷問「爸爸點解會走」。她悲嘆「我老公真係經濟支柱，啲小朋友又細」，書簿費、補習費、租金等等各項開支都很大，平時已是「個個月搵個個月清」，希望有機構能協助她渡過難關。

鍾太強調，丈夫生前未有特別疾病，「本身佢係一個好健康嘅人，無長期病患，無高血壓，無其他病㗎，但唔知點解突然間咁樣暈低咗」。鍾太更說，丈夫過去有時身體抱恙，也堅持不請假上班，是一名好員工，「佢係一個好勤力嘅人」，希望天星小輪向她講明事故原因，「希望畀返個交代我」，並予以體恤。

天星小輪：現制沿用多時 員工普遍支持

天星小輪發言人表示，對於有員工在當值時突然去世感到惋惜，會盡全力配合調查；又指目前應用的船隊輪更表已沿用多時，絕大部分每更8小時工作，餘下16小時休息，而調更日子最少亦會有12小時休息。發言人提到，一連5天例假亦可方便員工往內地或外地消閒或探親，強調內部不時討論有否需要修訂，員工普遍支持現制並要求保留，未來會繼續與各員工溝通及檢視安排。

---

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ