中年好聲音丨肥媽爆周吉佩着條紅底褲參賽藉比賽宣揚愛國心：團結一致搞好香港

2023-05-02 13:00

TVB節目《中年好聲音》決賽於上周日（23日）完滿落幕，周吉佩爆冷奪得冠軍！不過為了增加刺激感，節目沒有公佈所有回合的分數細節，賽果惹來網民質疑是造馬，其後在《東張西望》中公佈決賽當晚所有回合的分數細節，包括評審在每個回合給予的分數，及兩個回合的觀眾投票得分，當中所有分數均由黃龍德會計師事務所監察核實，賽果保證公平公開，但依然即使公布評分細節，但仍有不少網民質疑「造馬」。身為《中年》評判之一的肥媽，日前亦有在自己的YouTube Channel力撐比賽是公平公正，對於有人指快歌環節的分數未有公開，她說：「儍啦，現場幾百人喺度點會唔公平呀？」

【點擊睇肥媽力撐《中年好聲音》公平公正】：

TVB節目《中年好聲音》決賽於上周日（23日）完滿落幕。

周吉佩以115分力壓獲得111分的李佳，勇奪《中年好聲音》冠軍！

不過由於節目沒有公佈所有回合的分數細節，賽果惹來網民質疑是造馬。

評審：肥媽

李佳選唱慢歌《明日話今天》，只獲得 86 分，排第三名。

羅啟豪選唱慢歌《忘情號》，獲得 89 分，排第二名。

周吉佩選唱慢歌《Forever Love》，獲得 91 分，排第一名。

羅啟豪快歌部分表現緊張，以致獲該部分最低分。

龍婷（左一）獲得「觀眾最愛好聲音」殊榮。

龍婷被指大熱倒灶，她自認當晚有失準。

吳大強早前生病，在決賽當晚明顯狀態欠佳。

周吉佩由頭贏到落尾。

左起：《中年好聲音》亞軍李佳、冠軍周吉佩、季軍羅啟豪。

吳大強

肥媽賽前睇好英國豪。

周吉佩

大家合作好開心。

一班評判。

合作得好開心！

肥媽日前在自己的YouTube Channel力撐比賽是公平公正。

對於有人指快歌環節的分數未有公開，她說：「儍啦，現場幾百人喺度點會唔公平呀？」

賽前大熱李佳今次大熱倒灶，只能屈居亞軍，落敗，肥媽指她唱第一首歌已失準。

肥媽話大家都冇諗過吉吉會贏，全世界都跌晒眼鏡。

仲話輸咗幾餐飯。

媽更大爆吉吉的一個鮮為人知的秘密：「佢老婆叫佢着條紅底衭，邪啲。」

肥媽強調如果有造馬，現場觀眾都會起哄。

肥媽更說：「而家仲分乜鬼呀，個香港係我哋，大家同心合力重頭開始喇，團結一致搞好香港。」

肥媽再說：「賭仔回頭都金不換，做人，有啲做錯咗嘅而家都坐緊監，佢都受咗應有嘅懲罰，做人唔可以畀人改過自身，唔好將小事化大，最緊要係團結。」

叫人團結！

肥媽叫大家同心合力重頭開始喇！

網民留言。

肥媽還說：「我最開心臨走有個女人係咁喊係咁喊，話好透明好透明。因為電視機出嘅聲同現場真係爭啲，佢係有tone，嗰日喺現場係完全冇tone，如果唔係公平畀人打啦！」對於最初有指是三強入決賽，但臨場變兩強對決，肥媽解釋：「冇時間喇，因為節目太長，佢哋唔明白直播節目，後面有新聞報道，時間係政府規定呀，所以我覺得英國豪（羅啟豪）唔抵囉，本來如果佢三強入去呢，佢有機會（贏出）呀，佢準備咗首歌好好聽呀！所以做人除咗公平之外，運氣都好緊要！其實不嬲都係三個，但現在真係唔夠時間，Live囉。」

另一方面，有網民質疑冠軍周吉佩的政治立場，愛國的肥媽實在不應該支持他，但肥媽說：「第一我唔知佢係黃嘅！第二我唔理你黃定藍，因為我係做緊《中年好聲音》嘅評判，我當時嘅job就係評呢個人唱功同佢嘅進步。而家仲邊有分黃同藍呀？而家全部都係紅色啦，國安法出咗，邊個唔係紅色啫？如果佢仲係當自己黃嘅都走咗啦吓嘛！」

賽前大熱李佳今次大熱倒灶，只能屈居亞軍，落敗，肥媽指她唱第一首歌已失準：「佳佳自己都知，佢唱完第一隻歌都喊。」不少人覺得周吉佩之所以勝出，全因外形高大又年輕，肥姐瞪大眼望鏡頭說：「儍啦！冇人估過佢贏呀！你知唔知我哋輸幾多呀？我輸咗幾餐飯呀，爆冷呀，我係買佳佳、龍婷同英國豪，我輸晒。」她還笑稱個個都輸，全世界跌晒眼鏡：「李佳和龍婷由頭帶到落尾，可能佢哋有壓力，佳佳唱完第一首已經有眼淚，反而吉吉一早預輸。」肥媽更大爆吉吉的一個鮮為人知的秘密：「佢老婆叫佢着條紅底衭，邪啲，嗰日唱完叫佢畀我睇，佢真係着咗，呢啲唔係道人迷信，有陣時啲嘢，你越冇壓力，就越輕鬆」

肥媽強調如果有造馬，現場觀眾都會起哄：「呢啲完全冇呃，我好開心到《中年》嘅評判，唔理參賽者係乜嘢人，無論係30幾歲又者71歲，可以畀到佢哋有一個機會再有希望，呢個係正能量；仲有啲嘢你哋係唔知，佢哋啲屋企人同朋友嘅團結，我諗佢哋一世都未試過咁團結，呢啲係社會最需要嘅事。」肥媽更說：「而家仲分乜鬼呀，個香港係我哋，大家同心合力重頭開始喇，團結一致搞好香港，應該走嘅都走晒，自己仲唔搞好個家？仲喺度猛咁分顏色分嘢？而家分家產呀？」肥媽再說：「賭仔回頭都金不換，做人，有啲做錯咗嘅而家都坐緊監，佢都受咗應有嘅懲罰，做人唔可以畀人改過自身，唔好將小事化大，最緊要係團結。」