姜濤生日｜逾6千姜糖逼爆科學園為偶像慶生 姜濤自問做得唔夠好願接受批評
2023-04-30 17:30 
今天是姜濤的24 歲生日，近月忙碌於音樂宣傳、電影拍攝、個人服飾品牌及慈善公益活動等工作。姜濤香港後援會為支持偶像同時回饋社會有需要人士，今年出動大量應援戶外廣告、電車車身等鋪天蓋地將銅鑼灣- 「姜濤灣」再度變成應援總壇之外，亦特別於沙田科學園舉行生日應援重頭活動 《Keung To Charity Walk 2023》慈善步行，結集姜糖們之力仗義助人，為偶像衷心送上生日祝福。姜濤今次亦有現身支持，甫現身引起騷動，他在台上說今年是最大型生日會，而且是首次用這個形式同大家見面，剛才在樓上拉開簾一看也嚇一跳，指場面好驚喜。主持人問他夠不夠瞓？他稱還可以，雖然凌晨6、7點才收工，但覺得大家為他籌備有意義的活動，就算疲倦也要出席。問到生日願望，他笑言通常說出來便不靈，只希望大家順利。
【點擊睇《Keung To Charity Walk 2023》慈善步行現場情況】：
姜濤又說：「本身唔知嚟到唔知講乜嘢，希望咁齊人嘅場合同大家講少少說話，唔想嘥呢個機會，因為好多時同大家見面傾偈機會唔多。首先衷心同每位支持我嘅你哋講聲多謝，冇諗過今年年初發生咁多事情後，你哋仍然喺度，我有心理準備可能需要重新嚟過，我嘅心態就算大家因為一啲事唔支持我而離開，我唔會唔開心，確實自己有好多事情做得未能令大家覺得好驕傲，你哋仲喺度好多謝大家。」
他續說：「每次公開場合表演嘅時候，睇到大家咁支持我，令我充滿力量，雖然外間對於我同大家會有好多評論，點都好，我相信大家都好團結一齊進步，希望各自人生道路上搵到有進步嘅方向，冇人係完美，好多人覺得我好好，其實唔係，我需要進步，唔希望大家喺生活上將我放喺第一位，希望佢哋將自己放第一位，多啲照顧自己。見到大家通宵排隊，唉！唔知點講，希望大家將我變成心目中嘅小朋友，睇住我長大，有唔好嘅地方大家多啲同我講，唔希望生活喺讚美的環境之中，一直提醒自己無論讚美、批評都勇於接受，希望得到大家嘅提點同教導，我希望用自己學到嘅教大家，最後多謝今日嚟支持我嘅人，以及多謝上半年唔支持我嘅所有人，你哋嘅提醒同批評令我變得好。」接着他與姜糖一齊切蛋糕，並合唱《蒙著嘴說愛你》。
今日舉行的慈善步行，雲集超過6,500 名本地及海外姜糖齊集科學園，除招募姜濤香港後援會會員參加外，亦公開予公眾報名，反應熱烈。姜濤香港後援會表示，今年除了本地姜糖參加活動，亦因為旅遊限制放寬，有不少海外姜糖由美國、加拿大、英國、澳洲、馬來西亞、日本、澳門特地來港應援。今年活動所籌得之款項，扣除成本後將捐至 7個單位：麥當勞之家慈善基金、香港青年獎勵計劃、榕光社、兒童癌病基金、兒童心臟基金會、毛守救援及膳心小館，所有款項數字有待大會於活動後審計確實，並承諾盡快將善款轉交各慈善單位，姜濤香港後援會表示多謝各位姜糖鼎力支持。
活動今早8 時正揭幕起步，全日共分為 12 組展開1.5公里不計時步行，早前已領取步行活動紀念包及大會服裝的粉絲，早上7時30分便陸續抵達場地，部份更乘搭大會安排的 6 架印有「姜濤生日快樂」雙層巴士由大埔墟港鐵站到達科學園 「金蛋」主會場。每組參賽者寄存好隨身物品後，跟換上運動服飾及號碼布，在巨大版「小姜姜小濤濤」加持下，一齊在科技大道東起點起步，大會放置了大量打卡位，包括巨型生日主題打卡布景板、小姜姜小濤濤可愛造型不倒翁、頒獎台等，返回終點後取得完成獎牌，便可於參加者限定進入的主會場内，跟3米高超大型小濤濤充氣娃娃及 6 大步行造型布景板繼續打卡留念。
不少姜糖更帶同自家的小姜姜小濤濤公仔，換上早前預購的《Keung To Charity Walk 2023》限定替換服飾到來應援留影，姜糖們亦花足心思準備好大量應援物品，在場打卡與交流，氣氛高漲熱烈。活動於下午 2 時完成步行後完滿結束，部份姜糖亦乘坐大會安排的接駁巴士由科學園轉場至銅鑼灣，繼續參與偶像生日應援活動，例如在後援會所設的銅鑼灣 6大應援廣告位前打卡留念，以及等待後援會贊助全港市民於 4 月30日免費乘搭的姜濤主題電車「23十1 姜濤號」巡遊並打卡。
【其他文章】：
邵氏兄弟最新力捧9人名單出爐！王浩信與億萬駙馬榜上無名 有人玩直播帶貨都上到位
網紅穿超貼身短裙真空凸點逛商場 繼上圍逼爆鈕搭地鐵後又一出位行為
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應