馬時亨‧香港情丨張學友首爆「拒過億酬勞」任選秀節目導師原因曾有意移民加拿大因一事放棄

2023-04-23 14:00

「歌神」張學友有得天獨厚的好聲線，歌唱技巧也受絕大多數人認同，早年傳有內地歌唱選秀節目，有意請他出任導師，本是理所當然，但有指製作單位即使開出高達九位數即過億港元的豐厚酬勞，仍然未能打動他。昨晚（22日）張學友應邀在TVB節目《馬時亨‧香港情》出任首集嘉賓，終於首度公開原因，他在節目中更大爆曾有意移民，甚至已到加拿大領使館商談。

【點擊睇張學友訪問內容】：

張學友在十八區業餘歌唱大賽勝出後冒出頭來，同場還有莫鎮賢（左）。

在唱片銷量下跌之時，張學友拍了不少電影，其中《旺角卡門》絕對經典。

原來張國榮與張學友兩位天王巨星，都會有舞台恐懼。

張學友的演唱會破盡紀錄。

張學友對上一次在紅館開騷已是2016年的「學友．經典世界巡迴演唱會」。

今次巡迴演唱會香港場要待明年才能在紅館舉行。

歌神張學友在澳門舉行記招，宣佈將會在6月9日展開巡迴演唱會，澳門為首站。

今次演唱會名定為「60+」，現年61歲的張學友笑說：「其實有想過很多名字，但最後決定簡單一點。」

張學友透露明年才會在香港紅館舉行演唱會。

大會特地準備燈塔，寓意張學友有如華語樂壇的燈搭。

張學友透露之前因疫情留在家中，坦言是有點慌，所以跟團隊傾談要展開工作的時候，想到最快可以做到就是開演唱會。

至於今次演唱會的舞蹈上的編排，張學友說：「不會迫要自己作體能挑戰。」

大會特別準備張學友自1987年共9場演唱會的片段。

睇到張學友的眼濕濕，更一度以手指拭淚說：「差啲想喊，睇住自己嘅成長係有啲感觸。」

節目請來張學友與張文新做嘉賓。

原來出道前參加了大大小小不同比賽。

出道後曾與呂方一同開演唱會。

自爆與哥哥一樣有舞台恐懼症。

大談《吻別》等經典金曲受全國，甚至全球歡迎。

自爆拒絕成為歌唱比賽導師原因。

細說現今歌手與以往有何不同。

很久以前已想過移民新加坡或加拿大。

張學友在節目中被另一嘉賓張文新問到為何他成為歌手一炮而紅後，會轉向電影方面發展，張學友直言是「被迫」的。他透露最初幾張唱片大賣超過20萬張後，到第四張唱片開始進入迷失期，他直言：「當時好多十首歌之中，佢哋（唱片公司）目標只有一首或兩首，其他就係濫竽充數。我覺得基本上係一個致死原因。最後觀眾咪唔聽你囉。」他透露這張《昨夜夢魂中》的銷量最終只得兩萬五千張，他說：「呢個世界邊有咁多神仙，係咪呀？其餘八首唔得你就玩完啦，一張唔得兩張唔得。」當時他身為家庭經濟支柱，正當徬徨之際剛好有人找他拍電影，就順理成章踏入了電影圈，甚至稱「有人搵我拍戲，我就咩都接」。

雖然舞台經驗豐富，而且甚少有瑕疵，但他竟透露自己原來有舞台恐懼，更大爆連另一天王巨星張國榮也有同樣問題，他說：「有次喺頒獎典禮後台，我同張國榮先生一齊出場，佢喺後面係震晒嘅，我諗冇人會相信，我都唔相信佢會驚，但佢真係震晒，佢問我：『學友，出面啲觀眾係點㗎？』，你哋係唔會知道我哋好多時都係好驚。」

其後又談及張學友拒當導師的傳言，他竟謙稱自己不懂教，並說：「第一，因為我唔識教。我比賽出身，知道比賽好唔容易。每一個有膽量上台唱歌嘅人，唔係專業歌手，但喺咁多人面前唱歌，已經好犀利，所以我實在唔忍心去講：『你呢樣唔好嗰樣唔得。』」至於第二個原因，張學友則指自己並非受正統的音樂學校及專業歌唱訓練，所以不知道該怎教人。不過，他仍相當支持大家勇敢去追夢、參加比賽，亦不反對別人當導師，「只係我冇本事去做。」

到節目尾聲，馬時亨問張學友覺得香港有什麼好的地方，張學友就自爆原來很早之前已有意移民，他說：「因為我喺香港出世，喺呢度大，我喺香港得到我嘅一切。我唔可以控制下一代點諗，因為每個人經歷唔同。講真，今日，其實唔好講今日，我二三十年前已經講過，移民新加坡……移民加拿大啦，考慮咗好耐。有一次我上到去加拿大領事館，當時話魁北克省最易，去到坐喺度一諗，我以後面對都係外國人，嗰一下心情又頂唔順，又走咗。我諗我本身係裙腳仔啦，喺邊度就留喺邊度，呢個係對嗰個地方嘅感情。」