東張西望丨翟婆婆昏迷入院幸甦醒情況穩定 CEO細仔疑合謀老人院禁錮母親盜家產

2023-04-22 23:00

TVB節目《東張西望》於今年2月初連續兩晚、報道80歲翟婆婆疑被初創公司CEO細仔，盜走家中近200萬元現金及金器，加上聯名戶口內的資產被掏空，損失約420萬身家，戶口僅餘921元存款，現在要靠大仔照顧過活。今晚（22日）節目再作新跟進，原來在報道播出後，個案由新界南重案組接手，到翟婆婆的家中再錄口供，怎料翟婆婆上星期一度在家中不適兼無反應，嚇得大仔將她緊急送院治療。

【點擊睇婆婆疑被細仔偷420萬身家續集】：

今年2月初《東張西望》曾報道80歲的翟婆婆疑被CEO細仔盜走約420萬身家。

翟婆婆戶口僅餘921元存款。

節目組曾陪翟婆婆到細仔屋企。

節目組被趕走。

而且見到細仔一家對母親翟婆婆的態度。

之後個案由新界南重案組接手。

翟婆婆雖然變瘦，但健康狀況良好。

翟婆婆仲講細仔連八達通內的錢亦取走。

翟婆婆經警方介入取回八達通，但入面已經冇錢。

未知是否連5,000元的消費券都被用掉。

上星期大仔聯絡《東張西望》，指翟婆婆在家中昏迷。

大仔指翟婆婆稱肚痛不舒服，他就返家陪伴。

之後見翟婆婆沒甚反應，就叫救護車將母親送院。

大仔坦言擔心母親撒手人寰。

救護員到場為翟婆婆檢查。

翟婆婆送院是非常危急。

幸好翟婆婆送院途中有番知覺。

翟婆婆甦醒。

翟婆婆情況穩定後，仲叫大仔拍片交代情況。

翟婆婆指自己已經冇事。

警方之後搵大仔錄取口供。

上門拍照。

仲影低翟婆婆收埋現金的地方。

家中有一張雲石枱，就是藏錢的地方。

大仔指已故父親曾將30萬現金收在枱底的石座內。

大仔示範搬開枱面，表現吃力。

一個人要抬起好困難。

大仔指父母年紀大，好難搬開張枱，估計是細仔所為。

而且不只一人合力盜竊。

現在等緊銀行的轉帳證明。

當時翟婆婆被困在護人院，更被院方指她有腦退化問題。

之後翟婆婆的400多萬身家就不翼而飛。

翟婆婆去年12月接受節目訪問時，提及自己一直想離開護老院，卻被拒絕。

大仔之後帶翟婆婆去檢查。

醫生指翟婆婆不似有腦退化。

翟婆婆做了很多測試。

最終證實翟婆婆沒有腦退化問題。

大仔因為報告到護老院更加不滿。

因為翟婆婆一直想返家，卻被院方拒絕。

翟婆婆曾問細仔是否禁錮她不讓她出院，遭細仔否認。

護老院又否認禁錮翟婆婆。

大仔發現護老院一直誤導自己，懷疑細佬與院方合謀。

大仔打算繼續揭發事件。

節目亦會向護老院查詢。

採訪期間翟婆婆再次傳來危急消息。

翟婆婆的大仔日前再聯絡節目，表示母親曾一度昏迷入院，幸好送院途中翟婆婆甦醒，到達醫院後情況穩定。翟婆婆在醫院拍攝一條片段，交代自己的健康情況：「冇事！頭痛、發燒，冇嘢喇已經，冇心喇！」提到翟婆婆疑被偷走全副身家，大仔懷疑母親被細仔送到老人院，又被禁止離開，懷疑細佬與老人院合謀後，返家盜竊。大仔指老人院稱翟婆婆患腦退化，以此為藉口不准她外出，但翟婆婆一直神智清醒。大仔於今年2月更帶翟婆婆去做檢查，經過兩小時的專業診斷後，沒有發現翟婆婆有腦退化問題，大仔說：「呢個係2月22日做，最後主診醫生都評定為冇腦退化。」

回想起母親被困老人院時的情況，大仔坦言覺得奇怪：「點解我細佬同護老院係都要話佢有腦退化？」他當時曾詢問老人院，又向母親表示：「我話唔係我唔畀你返屋企，而係細佬唔畀你離開，返去。我媽媽就話報警，禁錮呀，職員就話佢哋冇禁錮任何人。我問係咪要一直住到最後一日，佢話係，我就好嬲。」大仔翻查社署條例，發現細仔擔任翟婆婆的保證人是不合法，經多次追問下，院方才給他看醫院紀錄，證明翟婆婆沒有腦退化問題。

節目組再到翟婆婆家中採訪，大仔展示屋內擺放現金的地方，以及警方調查時的經過，他透露已故父親一直將現金放在雲石枱的石座內，以他的高大身材，要一個人移開雲石枱的枱面已十分困難，故有理由懷疑涉案者不只一人，因此他懷疑細佬安排翟婆婆入住老人院，才返回家動手搬開雲石枱，取走全數現金。而李旻芳採訪大仔期間，再次傳來翟婆婆危急的消息，節目會再跟進事件。

【其他文章】：

73歲曹查理內地登台狂賺八位數？被寸「撈金」激動回應：我要生活！

高海寧再現「咪神」氣勢著超貼身透視白Tee傲人上圍激凸俯身露纖腰加甜笑網民冧爆

58歲鄭浩南被野生捕獲現老態網民嘆霸氣盡失變廣場舞大媽去年自爆老婆走佬兼疑被帽

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字