專欄｜天殘地缺川崎前鋒「紅」唔起

艾爾曾經提過，以目前嘅陣容，今季川崎前鋒唔好講爭冠，爭前四都非常困難。暫時8戰2勝2和4負，執筆嗰陣球隊畀榜首嘅神戶勝利船甩開10幾分，畀今場面對嘅紅鑽少一半分數。當然，依家只係季初階段，好多嘢唔能夠一下子批得死。只不過，艾爾覺得川崎前鋒面對嘅困境，唔係短時間內可以解決。

多位前季嘅奪冠功臣出晒去搵食，川崎前鋒可以話天殘地缺。後防無咗谷口彰悟，謝斯爾卡度素獨力難支。中場新人橘田健人火喉未夠，脇坂泰斗踢唔番前季嘅水準，高價加盟嘅「泰國球王」猜拿迪普桑格辛傷多過踢，表現貨不對辦。前鋒李安度達美奧、小林悠年紀一把，宮代大聖亦唔係可靠嘅射手。35人嘅陣容當中，一係就年紀偏大，一係就未夠經驗。川崎前鋒攻不銳、守不穩，8場賽事只有2場保持不失，再係咁落去，艾爾都好戥鬼木達監督飯碗擔心。

川崎前鋒上場喺聯賽盃大炒清水心跳6球，叫做無咁頹喇，但暫時聯賽4場主場不勝，今場對住作客打法偏向保守、連續10場賽事不敗嘅浦和紅鑽，艾爾實在唔覺得川崎前鋒有十足嘅把握，推介客隊讓球平手盤。艾爾

-----

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd

你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ