成人教科書丨12歲甜美妹妹習慣P圖放上網認為生得靚有着數：叫油雞飯會畀隻雞髀你

2023-04-19 22:00

洪永城主持的TVB兒童真人騷《成人教科書》上周在「Home Visit」環節，參觀香港最富裕印裔家族夏利里拉家族，位於九龍塘猶如皇宮、佔地逾5萬平方呎的大宅，如同物館宏偉的裝修與擺設令小朋友，以及電視觀眾都大開眼界。本周《成人教科書》探討「美醜」主題，其中樣子甜美的何朗晴年僅12歲直認有P圖習慣：「唔係大部份，有啲啦，唔係全部嘅。」她也認為P圖是好事：「因為可以展現自己靚嘅一面。」對於同場12歲洪焯霖認為P圖好假，朗晴則說：「唔係叫你P到另一個人咁，你可能影完出嚟身形唔靚，可以幫你執到啱自己要求。朗晴之後更即度自拍示範P圖，但同場的3位小朋友卻一致認同朗晴真人靚過P圖。

【點擊睇12歲貪靚朗晴P圖】：

《星夢傳奇2》亞軍黃洛妍自覺並不「靚」：「我覺得自己外表上未必係靚，因為傳統嘅靚係要眼大、鼻高同嘴細，亞洲區仲特別要好瘦。」

黃洛妍坦言是小時候最不喜歡的眼睛及嘴巴：「去到一個年紀我就覺得，唔係吖，佢哋幾特別吖！」

不過黃洛妍拉小提琴魅力非凡，獲小朋友一致封為「100分完美女神」。

小朋友聽到如癡如醉，去到本周第三集嘅尾聲，都依然有小朋友對佢念念不忘，猛話好鍾意Janees姐姐。

劉展霆也認為自己與「傳統的靚」有一段距離。

不過朗晴大讚他似BTS成員！

雖然星妤參選過港姐，但原來佢並唔覺得自己靚：「其實我從來唔會覺得自己靚啦，因為靚嘅大有人在。」

李爾晨喺Added Value中因為做錯咗一樣嘢，令到小朋友對佢減分喎，到底係咩呢？

何朗晴笑容甜美、為人坦白直率又活潑，絕對是本周亮點。

12歲朗晴已經會P圖放上網。

更即場示範P圖，不過其他人都認為她真人靚過P圖。

朗晴最初對於「美醜」的看法是：「我覺得生得靚係有著數，好似你嗌碟油雞飯，生得靚人哋都可能會畀隻雞脾你。」

朗晴都有玩社交網，不過大部份都經過P圖。

原來唔單止人不可以貌相，生果都係！

植物亦一樣，望落平凡同醜啲嘅植物，係咪就代表平？

呢兩位「幸運兒」，獲賜「髮型改造」機會。

朗晴整完頭明顯變得老成。

本周節目還會展示價值150萬的名畫，個個睇到「下巴跌落地」。

朗晴同焯霖嘅大作，邊幅又會多啲人鍾意呢？

Tony整輯節目都成功同小朋友打成一片，做咗爸爸果然唔同啲。

昨晚播出的一集請來2021年港姐八強陳星妤、《星夢傳奇2》亞軍黃洛妍（Janees）、劉展霆（Eden）、李爾晨與4個小朋友互動，其中黃洛妍與劉展霆都認為自己與「傳統的靚」有一段距離。黃洛妍直指清楚知道自己並不「靚」：「美醜對於我嚟講唔係典型嘅靚與唔靚，係一種感覺。我覺得自己外表上未必係靚，因為傳統嘅靚係要眼大、鼻高同嘴細，亞洲區仲特別要好瘦。我覺得自己基本上冇樣嘢符合，但我由細到大冇乜覺得自己唔靚，我搵到自己靚嘅地方。」

雖然自覺外表不美，但黃洛妍卻憑住小提琴令在座四位小朋友聽到拍爛手掌之餘，更全線第一時間封她為「100分完美姐姐」：「好鍾意佢嗰種態度，好獨特」、「我沉醉喺佢音樂入面」、「我覺得佢唔係好靚，但佢用音樂打動我，令我覺得佢更加有魅力同更加靚」。自覺外表輸蝕的劉展霆更獲貪靚的朗晴大讚似韓國天團BTS成員，睇到心心眼。

朗晴在節目開始時，對「美醜」的看法是：「我覺得生得靚係有着數，好似你嗌碟油雞飯，生得靚人哋都可能會畀隻雞髀你。」錄完三集節目後，朗晴對於美醜不但有了不同的看法，更感嘆：「原來我比想像中更加貪靚！雖然我知道靚嘅嘢好快會變得唔靚，但我覺得最緊要係靚咗先吖嘛。」

【其他閱讀】：

91歲劉兆銘行動不便要坐輪椅代步依然口齒伶俐同高志森傾足3個半鐘

《香港八一》「蘇小姐」激罕現身與好友聚會嫁台灣富二代生活無憂依然有星味

金剛34D舊愛自揭初中離家出走遭三男輪姦再被70歲伯伯載到荒山野嶺唔敢報警

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字