獨家|胡慧冲聽歌學做人唔好囂 睇許冠傑演唱會獲偶像點名人生無憾

「泰國通」胡慧冲（Roger）日前返港4天，除咗出席「香港潑水節」外，仲睇咗偶像許冠傑頭場演唱會，Roger開心到不得了：「當晚我同夏妙然喺觀眾席，可以同阿Sam『哎吔』對唱《阿郎戀曲》，阿Sam仲公開話『泰國通阿胡都係度！』連「歌神」都認我，呢個係天大榮幸，人生何求呀？」採訪：方騫平

《浪子心聲》歌詞「命裏有時終須有，命裏無時莫強求」係Roger座右銘。

胡慧冲同夏妙然係阿Sam鐵粉。

買咗兩件毛巾撐歌神。

會帶住大毛巾周圍去。

歌詞好有節理。

節目《冲遊泰國》系列令胡慧冲知名度大增，最近返港參加泰旅局主辦嘅《香港潑水節》，雖然有備而戰帶齊大毛巾及內衣，但現場太受歡迎，尤其小朋友追住狂射水槍，由外至內，衣服鞋襪全部濕晒，凍到入心，不過，Roger仍然企足兩小時跟fans合照：「佢哋搵唔到姜濤，搵到個胡塗都好！我好珍惜佢哋支持。」

潑水節當天小朋友追住Roger狂射水槍。

Roger企足兩小時同fans影合照。

Roger大受歡迎。

有好多小粉絲。

由外至內都濕透。

歌神每次開騷都捧場

講到睇許冠傑頭場演唱會坐第2行時，Roger依然興奮：「當晚換上珍藏嘅《最佳拍檔女王密令》戰衣，佢認得我同我有交流，有幸可以喺佢面前唱咗幾句《阿郎戀曲》。其實佢每次開演唱會我都會飛返嚟睇，當年佢經已認得我係寫旅遊書嗰個。今次因為疫情未能入後台探班，但我喺場外買咗兩條毛巾，寫住《浪子心聲》歌詞『命裏有時終須有，命裏無時莫強求』，呢兩句亦係我座右銘，歌詞好到肉，《冲遊泰國》插曲《冲哥》嘅歌詞『命裏有的終須會得到，運氣有升跌實在無用困惱』都係受啟發去填寫。」

同阿Sam陳年紅館後台合照，Roger笑得好開心。

喺觀眾席同夏妙然爭咪對唱《阿郎戀曲》。

Roger換上珍藏嘅《最佳拍檔女王密令》戰衣隆重地捧場。

Roger指阿Sam啲歌好有人生節理：「佢好多歌聽到我又笑又喊，比如《天才白痴夢》中『人皆尋夢，夢不分西東，片刻春風得意，未知景物朦朧…』咀嚼歌詞咪以為自己好勁，其實好多嘢係鏡花水月，做人不能囂，要抱住謙卑嘅心。」

阿Sam啲歌能悟出人生節理。

冬蔭妹身材好正。

Roger同冬蔭妹嘅《冲遊泰國》系列，好受歡迎。

冬蔭家族稍後來港出席泰國旅遊節。

《星島頭條》APP經已推出最新版本，請立即更新，瀏覽更精彩內容：http://www.stheadline.com/