獲父蔭250萬資助買樓唔心足？ 港女眼紅已婚阿哥住父母大屋｜Juicy叮
2023-04-13 12:44 
有獲父蔭250萬元資助置業的港女，計較胞兄以兩個小朋友作藉口，以兩房細樓換住父母的3房大屋。網民回應時先開解「一家人何必事事斤斤計較」，另有好心人教路如何見招斥招捍衛「權益」，但也網民非議樓主的想法。
樓主早前以「阿哥用2個小朋友做借口， 要用佢2房換父母3房。」為題在網上「香港討論區」發文，指「父母生我同哥2個，父母經濟條件唔錯，亦冇重男輕女， 有資助我同阿哥買樓。我同哥都係買小2房單位，300尾呎至400呎頭的2房。而父母住大3房， 實用面積接近800呎，仲要地鐵站旁。」
樓主貼文及網民回應：
樓主講述目前的情況，指出「依家阿哥想用2個小朋友做借口， 要用佢細2房換父母大3房交換住。佢要父母住佢細2房，佢一家4口住父母大3房，因為同區，父母已同意。」接著，樓主稱「我諗阿哥會唔會住住吓，當大3房係佢嘅？因為父母絕對唔會因我係女，就待薄我的。只係將來要阿哥交回單位，應該唔易。」
樓主回應網友時透露，「父母都有資助我同阿哥買樓，每人各250萬」、「冇分到一間屋，係父母資助我同阿哥各250萬買樓，250萬作首期」。她並指，「呢的係父母安排，依家好多父母都幫女兒買樓......我父母係新朝派，對兒女一視同仁。我媽仲講，佢百年後將骨灰灑落花園，不用拜山」。
回應的網民先是開解：
•「最重要係你父母同意了，或者你父母將來都有類似的打算」；
•「你係女嫁咗人，生個細路又唔係同姓，畀你咪姐係益咗外人？」；
•「樓係你父母嘅，佢哋同意有乜問題，到兩老走咗、自然係子女一人一半」；
•「你父母同意就可以，況且你哥確係需要大屋。老人家重男輕女都係為咗防女婿~」；
•「有孫，父母點都係鍚住啲孫㗎啦，就算你哥唔喉住間屋，將來分身家都一定係佢大份啲」；
•「我諗樓主覺得佢阿哥可以賣2房樓換3房樓。不過，樓主都要預咗層3房樓最後會歸你阿哥」；
•「即係細屋係你阿哥，大屋係你父母，你自已都有一間屋。如果係咁，大屋點攪，都係你父母話事，你都好難發表意見」；
•「你咁講，即是你都謀住間大屋啦！屋又不是你的，父母都同意無問題，你唔好咁多聲氣好了，多嘢講，攪到關係唔好有乜謂！始終你都是外嫁女，有層樓畀你已經好好！」；
•「大家一家人又何必斤斤計較，父母又唔係冇俾層樓你，你阿哥真係有需要嘛，你哋都賺咗啦，父母都每人送一層樓啦，你就咁快諗住父母過身份遺產，擺明喉住父母身家......」；
•「其實一家人何必事事斤斤計較？你分到了父母的資助已經很幸福啦，況且你哥是真的急切有實際需要（一家四口住2房真的太小了），而且3房是你父母名字，你哥沒可能輕易到手的」。
有好心網民提出辦法月見招拆招：
•「如果父母公平，自然心有數！怕咪俾少D家用囉！」；
•「業主係邊個，如果兩間都係父母，即係你點都有機會有一間。如果大屋係父母，細屋係你呀哥，咪叫你父母立張平安紙，講明間大屋點去分囉」；
•「你父母咁做無辦法喎，睇在兩個孫份上。不過交換住係點？業主個名都交換埋？唔搞清楚日後好麻煩。就算你係親生女都無用，佢哋而家一定係以兩個孫孫行先。你怕日後分少一份，係就而家出聲抗議」；
不過，因應樓主執著「只係將來要阿哥交回單位，應該唔易。」這點，回應的網民提醒「點解要交返出嚟呀 ? 佢哋住整世㗎......你諗多咗呀」。
有網民非議樓主想法：
•「父母有錢，當然要喉住。你同阿哥兩兄妹，佢識計，你都一定識玩，有基因遺傳㗎嘛。你哥住大屋已經立即有實利。你可以要求大屋樓契加你名。我估你父母生得你兩兄妹出，都唔係白痴。等父母知兩兄妹日夜喉住佢兩老身家，死都死得安心，唔怕遺產落入外人手」；
•「你都有拎著數，只不過驚自己蝕底咗啫，兩兄妹都係廢柴，要靠父母就唔好咁計較啦」。
說到尾，樓主坦言......
說到尾，有網友民稱「講到著數，父母兄妹都無情講，分少啲都法庭見啦！」，但樓主坦言「咁我又唔會法庭見嘅，如果佢霸佔我會吵，最後佢唔願交返出嚟，都只好作擺，搞上法庭只會比律師袋晒」。
帖文來源：香港討論區
相關新聞：
男家出錢買樓未婚妻求加名做業主 網民獻計助準新郎解圍
孝順女付首期冀買樓予父母養老 惟因後續發展呻蠢
買樓自住慘變負資產 港男呻：「日日咁辛苦返工變做義工」
呻父母理財失敗齋租唔買樓 港男：諗起要負責佢哋嘅退休人生就慘
公屋媽苦惱送學業平平女兒出國留學 抑或花近百萬買樓
27歲港男月入2.9萬近半交家用 女友：無首期就分手
同場加映：
小西灣古惑酒樓冒茶客筆跡剔點心 網民一招智破呃錢技倆
有網民踢爆小西灣一間酒樓懷疑行使不實手法，員工竟假冒茶客筆跡加剔點心計錢，當顧客有疑惑時便推說顧客自己劃錯，踢爆的網民表示自己最後靠一招識破呃錢技倆，幸保不失。
【點擊即睇｜酒樓冒茶客筆跡剔點心 古惑呃錢招揭秘↓↓↓↓】
該位網民分享自己經驗表示，在上月(10月)底在小西灣一間酒樓，發現多了一碟「藥膳鳳爪」點心，雖未有剔選，但仍有計錢。
她表示，當向員工反映時竟獲告知「顧客自己劃錯」，當查單時發現有關點心知竟有人假冒其筆跡剔選了額外點心。
這位網民表示，自己最後能成功取消有關點心，因為她在落單時有拍攝下點心紙，「好彩有影底」，有證有據令呃錢技倆無法成功。她分享經驗呼籲其他網民「點嘢食記得影埋相留底」。
【點擊即睇｜網民妙論酒樓冒茶客筆跡剔點心↓↓↓↓】
網民從樓主分享的相片看到點心紙中，「藥膳鳳爪」一項的筆跡細心比較有不同之處：「圈都圈得唔同，個口上下。」「應該係一個逆時針畫，一個順時針畫。」
有網民亦分享在其他酒樓亦遇過同類事件，批評有部分害群之馬利用此方法呃點心錢，不少網民對事件議論紛紛：「我都成日以為自己劃錯，依家知道真相。」「偽造虛假文書，刑事。」「以後落單都要係個圈隔離簽個名先得。」
酒樓埋單爭議時有發生，今年4月一名柴灣街坊於社交平台發文指，一家四口到一間連鎖酒樓飲茶，結帳時發現帳單將4位茶錢計成47位，職員多番更正仍然出錯，引發了一眾網民的討論。
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應