黃妍開生日Party同Fans齊慶祝日本返港興奮入手坂本龍一新碟

2023-04-10 18:15

黃妍（Cath）今日與40名歌迷舉行生日會，慶祝其31歲生日。剛從日本返港的Cath透露一向喜愛日本文化，又興奮表示今次見到富士山外亦欣賞到盛開的櫻花：「疫情後第一次飛日本，去探我表姐同表姨甥女，上次見佢仲未識講嘢，今次去到會撩你玩，佢識講好多種語言，識匈牙利文、日文、英文同國語，我都要搵佢教我講日文。」

Cath同40名歌迷慶祝生日。

Cath又指此行買了些黑膠，當是送給自己的生日禮物：「最重要買到我偶像坂本龍一嘅日本版新碟，不過返嚟之後先知佢過咗身。」問到表姐是否有介紹男仔給她？Cath笑指沒有，但今次在河邊看到一班學生在踩單車，令她感到好青春，至於是否對日本男仔有興趣？她就笑指要先學日文，而今年的生日願望亦是學好日文及考車牌。