專欄｜打法實際　名古屋鯨魚破紅鑽有計

上季日職冠軍橫濱水手同亞軍川崎前鋒，今季個頭開得唔係太順。艾爾覺得橫濱水手陣容無乜大變，好聽啲叫穩定，唔好聽啲叫無乜新鮮感，爭冠嘅決心未必有咁大，嚟緊仲要應付亞冠戰綫，我唔太睇好佢哋成功冧莊。

至於前屆冠軍川崎前鋒，隨住三笘薰、旗手怜央、田中碧、谷口彰悟等星級球員先後出外搵食，隊中剩番李安度達美奧、小林悠、家長昭博呢啲老將，宮代大聖、遠野大彌、橘田健人等新人火候未夠，即使鬼木達監督諗盡辦法，但奈何陣容實力大不如前，踢唔番昔日嘅霸氣。如果球隊季中無乜補強，唔好講話亞冠，以𠵱家嘅人腳應付聯賽都比較吃力，想投注川崎前鋒冠軍嘅朋友，真係小心為上呀。

心水方面，名古屋鯨魚上季開始長谷川健太監督執教，打法非常沉悶，但勝在夠實際，今季加盟嘅永井謙佑同卡斯珀真卡喺前綫有唔錯嘅化學作用。今輪球隊雖然要面對近7仗賽事不敗嘅浦和紅鑽，但艾爾覺得兩隊陣容實力不相伯仲。

鯨魚始終有主場優勢，過去6次主場對紅鑽都不敗，鯨魚讓球平手盤實在抵買，另外可敲大阪櫻花對札幌岡薩多嘅入球大細2.5「大」。艾爾

-----

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd

你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ